Tuesday, December 25, 2012

PAE தொந்தரவு

சிங்கையை விட்டு வந்த பிறகு லினக்ஸ் பக்கமே தலைவைத்து படுக்கவில்லை,காரணம் நேரமின்மை என்பதோடு இல்லாமல் தரவிறக்கம் செய்யத்தகுந்த இணைய இணைப்பு கிடைக்காமல் இருந்ததும் தான்,அதற்குள் உபுண்டு 9,10,11,12.04 &  12.10 பதிப்புகள் வெளியே வந்துவிட்டிருந்தது.துபாயில் வாங்கிய வன்பொருள் கையை விரிக்க ஒரு பாதுகாப்புக்காக வைத்திருந்த பழைய வன்பொருளை வைத்து கணினியை ஓட்டிக்கொண்டிருந்தேன்.அதன் கொள்ளலவு வெறும் 40 ஜிபி என்பதால் லினக்ஸ்கு தேவையான இடம் ஒதுக்கமுடியாமல் இருந்தது.

என்ன தான் துபாய் வன்பொருள் கையை விரித்த்விட்டிருந்தாலும் அதை தூக்கிப்போடவில்லை, வேறு ஒரு Live வட்டு மூலம் அதில் இருக்கும் சில முக்கியமான கோப்புகளை வெளியில் எடுக்க முடிந்ததை வெளியில் எடுத்து போட்டேன்.தேவையானவற்றை எடுத்தவுடன் கை சும்மா இருக்கவில்லை.அப்பயோ இப்பயோ இருக்கும் வட்டில் ஏன் லினக்ஸை முயலக்கூடாது என்று எண்ணி புதிய பதிப்பான உபுண்டு 12.10 ஐ தரவிறக்கினேன்,வட்டில் எழுதினேன்.எழுதிய வட்டு மூலம் கணினியை ஆரம்பித்தவுடன் பிழையுடன் நின்றுபோனது.அந்த பிழை என்னுடைய கனிணி புதிய கணினி நினைவு கொள்ளலவுக்கு தகுந்த கெர்னல் இல்லை என்று சொன்னது.பிழைக்கு தகுந்த வழியை தேடி அலையோ அலை என்று அலைந்து ஒன்றும் புரியாமல் தூக்கி தனியாக வைத்துவிட்டு விண்டோஸ் மூலமே கணீனியை இயக்கி வந்தேன். அதற்குள் உபுண்டுவின் பல பதிப்புகளை தரவிறக்கி முயற்சித்து தோல்வி அடைந்தேன். பழைய கணிகளில் புதிய பதிப்பை எப்படி நிறுவுவது எப்படி என்று பல பக்கங்களை படித்திருந்தாலும் என்னுடைய கணினி எனக்கு “பெப்பே” காட்டியது.Grub என்னும் Boot Loader வந்தால் ஏதாவது செய்யலாம் அதுவே தெரியாத போது என்ன செய்ய முடியும்.காரணங்கள் பல இருந்தாலும் அதை அலசிப்பார்த்து ஒவ்வொன்றாக முயன்று பார்க்கலாம் என்று முடிவு செய்துகொண்டேன்.

முதலில் விண்டோஸ் இயங்கு தளத்தை நிறுவினேன்.லினக்ஸூக்கு தேவையான இடத்தை அதன் பிறகு Gparted மூலம் பிரித்துக்கொண்டேன் பிறகு உபுண்டு 11.10 ஐ அந்த பகுதியில் நிறுவினேன்.Boot Loader ஐ மறக்காமல் எந்த தொகுதியில் லினக்ஸ் நிறுவினேனோ அங்கு நிறுவினேன்.எல்லாம் முடிந்த பிறகு கணினியை தொடங்கினால் விண்டோஸுக்கு தான் போயிற்றே தவிர லினக்ஸ் பக்கமே தெரியவில்லை.சரி விண்டோஸ் Boot Loader ஐ திருத்த எண்ணி அதன் தொடர்பான பகுதிகளை படித்து என்னை தயார்படுத்திக்கொண்டேன்.பல பதிவுகளை படித்ததன் மூலம் நான் அறிந்துகொண்டது,எந்த பகுதியில் லினக்ஸ் இருக்கிறதோ அதன் பூட் லோடரின் முதல் 512 B க்கு தேவையான கமெண்டை எடுத்து அதை C டிரைவில் எங்காவது சேமித்து வைத்து அதன் தொடர்பை Boot.ini கோப்பில் எழுதிவிட்டால் போதும்.இப்பணியை செய்த பிறகு விண்டோஸ் தொடங்கும் போது இரண்டு இயங்குதளமும் தெரியும்.

என்னுடைய கணினியில் லினக்ஸ் இருந்தாலும் அதில் இருந்து என்னால் துவங்க முடியாத்தால் மேலே சொன்ன அந்த 512 மேட்டர் ஐ எடுக்கமுடியவில்லை.திரும்பவும் Live வட்டு மூலம் லினக்ஸை நிறுவாமல் முயன்று பார்க்கும் Option ஐ தேர்ந்தெடுத்தாலும் என்னால் லினக்ஸ் உள்ள கோப்பில் போய் எடுக்க முடியவில்லை.மிக முக்கியமாக Admin கணக்கு மூலம்.தொகுப்பு 11.10யில் Admin அக்கவுண்ட் இருக்காது அதை நாம் Create பண்ண பிறகு தான் கீழ்கண்ட Command  மூலம் தேவையான கோப்பை பெற முடிந்தது.

dd if=/dev/sdax of=mbr.bin bs=512 count=1

இதில் sdX யில் X நீங்கள் லினக்ஸ் நிறுவியுள்ள பகுதியாகும்.

கடைசியாக ஒருவழியாக லினக்ஸ் முகப்பு வரும் என்ற ஆசையோடு பூட் செய்தால், பூட் லோடர் வந்தது ஆனால் லினக்ஸ் பூட் ஆகவில்லை.பிரவுன் கலரில் முகப்பு எந்த தொடுப்பும் இல்லாமல் ஸ்கிரின் வந்தது.இப்படி ஒரு நிலை எனக்கு மட்டுமில்லாமல் பலருக்கும் வெவ்வேறு கணினிகளுக்கு இருப்பது தேடிப்பார்த்ததில் கிடைத்தது.பல வித யோஜனைகள் சொல்லப்பட்டிருந்தது இதில் எனக்கு எது உபயோகமாக இருக்கும் என்று தெரியவில்லை இருந்தாலும் முயன்றுவிடுவது என்று யோசித்து root account மூலம் கணினியில் நுழைந்து அதன் மூலம் பூட் லோடர் கோப்பில் நுழைந்து

“acpi=off" என்ற வரிகளை நுழைத்தேன்.

அவ்வளவு தான் லினக்ஸ் அட்டகாசமாக நுழைய ஆரம்பித்துவிட்டது. 


Tuesday, September 21, 2010

திரும்பவும் Flash ல் தொந்தரவு.

உபுண்டுவில் ஒவ்வொரு முறையும் மேம்படுத்தும் போது ஏதாவது ஒன்று தொல்லை கொடுக்காமல் விடுவதில்லை, அந்த வரிசையில் சமீபத்தில் 10.04 க்கு மேஜை கணினியை மேம்படுத்தியவுடன் எல்லாம் நன்றாக இருந்தது ஆனால் பயர்பாக்ஸ் மற்றும் சிஸ்டம்களில் சத்தம் இல்லை.
தேடு பொறியில் இரண்டு நாட்களாக தேடித்தேடி பலவற்றை படித்தாலும் நமக்கு தண்ணிகாட்டிக்கொண்டிருந்தது.எதேச்சையாக alsamixer ஐ டெர்மினலில் கொடுத்து ஒரு பாடலை ஓடவிட்டுக்கொண்டு ஒவ்வொரு சேனலையும் ஏற்றி இறக்கி முயற்சித்துக்கொண்டிருந்த போது ஒன்றில் மாறுதல் செய்யும் போது சத்தம் வர ஆரம்பித்தது.அடுத்து பயர்பாக்ஸ் இதிலும் விழுந்து எழுந்து என்னனென்வோ செய்தும் செம தண்ணிகாட்டியது.பல கருத்துகள் அதற்கேற்ப மாறுதல்கள்...சில மாறுதல் ஏன் செய்யவேண்டும் அதனால் என்ன பலன் என்ன என்பது கூட தெரியாமல் செய்தேன்,அசைய மருத்தது.இலவசமாக கிடைக்குதே என்று ஏன் இதோடு மன்றாடுகிறார் என்ற பார்வையோடு மனைவி!!

கடைசியில் வெற்றி கிடைத்தது இப்படி...

Firefox Address bar இல் about:plugins அடிங்க அவற்றில் இதுவரை நீங்கள் போட்டுள்ள plugin யின் வரிசை கிடைக்கும்.என்னுடைய firefox யில் இரண்டு வித Shock Flash Player இருந்தது. அதன் மேற்பகுதியில் அது எந்த இடத்தில் நிறுவப்பட்டிருக்கிறது என்று சொல்லப்பட்டிருக்கும்.இப்போது என்னுடைய கணினியில் வெர்சன் 9 & 10 ம் இருந்தது. 9 தை நீக்கிவிட்டால் சரியாகிவிடும் என்று தோனி கீழ்கண்ட மாதிரி கமென்டை terminal லில் கொடுத்தேன் அவ்வளவு தான் சவுண்ட் அட்டகாசமாக வர ஆரம்பித்துவிட்டது.

Monday, August 30, 2010

மவுசை கானுமா?

இரவு முழுவதும் தரவிரக்கத்துக்கு போட்டுவிட்டு தூங்கினேன்,மறு நாள் சாயங்காலம் கணியை உபுண்டுவில் திறந்தால் மவுஸ் கர்சர்யை காணவில்லை.என்னடா இந்த தொந்தரவு என்று எதை எதையோ தோண்டி கூகிளிடம் கேட்டால் அது ஏதோ "Bug" சொல்லிவிட்டது.ஒரு சிலருக்கு தோனியதையெல்லாம் செய்த போது மவுஸ் திருப்பி கிடைத்தது அதையெல்லாம் நான் செய்த போது அது வேலைசெய்யவில்லை.

மவுஸ் கர்சர் மட்டும் இல்லை,எந்த விண்டோவிலும் மினிமைஸ்,Maximise மற்றும் மூட உதவும் பட்டன்களையும் பார்க்க முடியவில்லை அதோடு Move செய்யவும் முடியலை.

இன்று முழுவதும் தேடித்தேடி பல முயற்சிகளை செய்து கடைசியாக இந்த முறை எனக்கு உதவியது.

Synaptic யில் Metacity என்று தேடி அதை மறுமுறை நிறுவவும் அதன் பிறகு

System------>Preference----> Appearence-----> Visual Effects யில் Normal க்கு மாத்திடுங்க,அவ்வளவு தான் இனிமேல் எல்லாம் வேலை செய்யும்.இது ஒவ்வொரு முறை கணினியை ஆரம்பிக்கும் போது செய்யவேண்டி வரும்.
தற்காலிக நிவாரணம் தான்.

Thursday, May 13, 2010

கூகிள் எர்த்-லினக்ஸில்

உபுண்டுவில் கூகிள் எர்த் எப்படி நிறுவுவது?
டெர்மினலை திறந்துகொள்ளவும் (Application-Accessories-Terminal)
முதல் படத்தில் உள்ள மாதிரி தட்டச்சு செய்து Enter ஐ அமுத்த வேண்டியது தான்.







முதலில் ஆரம்பிக்கும் போது கிராஸ் ஆனது பிறகு சரியாகிவிட்டது.

Friday, April 09, 2010

வீட்டுக்கு அழகு.

எப்பவும் போல் நம் வீட்டை அழகுபடுத்தி பார்க்கனும் அதுவும் சாமான்கள் வாங்குவதற்கு முன்பே செய்து பார்க்கனும் என்று தோன்றினால் மென்பொருட்களின் உதவியில்லாமல் முடியாது அதுவும் வின்டோஸ் கணினி என்றால் பல வித மென்பொருட்கள் இருக்கின்றன.அதெல்லாம் இருந்துட்டு போகட்டும் லினக்ஸில் என்ன இருக்கு என்று சுமார் 10 நிமிடத்துக்கு முன்பு கூகிளாரிடம் கேட்ட போது கொடுத்த முதல் மென்பொருள்..

SWEET HOME 3D



தரவிரக்கத்திற்கு தேவையான வழிமுறைகளை அங்கேயே கொடுத்திருக்கிறார்கள் அதன் படி செய்தால் சில நிமிடங்களில் உங்கள் வீட்டை வடிவமைக்க வேண்டிய மென்பொருள் தயாராக கணினியில் காத்திருக்கும்.எப்படி செய்ய வேண்டும் என்ற வழிமுறைகள் அவ்வப்போது பெட்டிச்செய்தியுடன் கொடுப்பதால் ஆர்வம் இருப்பவர்கள் உதவி கோப்பை கூட படிக்காமல் வேலை செய்யதொடங்கிடலாம்.



கட்டம் ஒன்று போட்ட உடனே அதன் பரப்பளவை கொடுத்துவிடுகிறது.ஜன்னல்,சோபா ...என்று எத்தனையோ விதங்களை கொடுத்து வேண்டிய இடத்தில் போட்டு அழகு பார்க்க வேண்டியது தான்.இப்படி உருவாக்கியதை பலவித கோப்புகளாக மாற்றவும் வசதி செய்துகொடுத்துள்ளார்கள்.உங்கள் கற்பனையை கட்டவிழ்த்து விட்டு தேவைப்பட்டதை போட்டு அழகு பாருங்கள்.

Wednesday, March 10, 2010

Auto Shutdown

சில சமயம் தரவிறக்கம் எப்போது முடியும் என்று தெரியாததால் கணினியை அப்படியே Onயில் விடவேண்டியிருக்கும் மற்றும் அவசியம் இல்லாத நேரத்தில் மின்சாரத்தை மிச்சம் பிடிக்க கணினியை ஒரு குறிப்பிட்ட நேரத்தில் தானாகவே மூடிக்கொள்ள வசதி இருந்தால் நன்றாக இருக்குமே என்று ரொம்ப நாளாக யோசித்துக்கொண்டிருந்தேன். தேடுதலில் இறங்கிய போதும் அவ்வளவாக அகப்படவில்லை.உபுண்டுவில் Application---> கடைசியில் Ubuntu Software Centre யில் Gshutdown என்கிற மென்பொருள் கிடைக்கிறது,இதன் மூலம் உங்களுக்கு தேவையான நேரத்தில் கணினியை முழுவதுமாக மூடவைக்கலாம்.
முயன்றுபாருங்கள்.

Wednesday, March 03, 2010

புதுப் புது மென்பொருட்கள்

உபுண்டு 9.10 போட்டு அதை மேம்படுத்திய பிறகு பார்த்தால் புதுப் புது மென்பொருட்களை அவ்வளவாக தேடாமல் இப்படி வரிசைப்படுத்தி கொடுத்துள்ளார்கள்.KDE மற்றும் Gnome க்கு என்று தனித்தனியாக கொடுத்துள்ளார்கள்.இவ்விரண்டுக்கும் உள்ள வேறுபாட்டை அதன் பெயர்களை கொண்டே கண்டுபிடித்துவிடலாம்.

பிறகு என்ன? தரவிறக்கி ஜாமாய்ங்க.