லினக்ஸ்

திரும்பவும் Flash ல் தொந்தரவு.

2010-09-21T09:21:00.000-07:00

உபுண்டுவில் ஒவ்வொரு முறையும் மேம்படுத்தும் போது ஏதாவது ஒன்று தொல்லை கொடுக்காமல் விடுவதில்லை, அந்த வரிசையில் சமீபத்தில் 10.04 க்கு மேஜை கணினியை மேம்படுத்தியவுடன் எல்லாம் நன்றாக இருந்தது ஆனால் பயர்பாக்ஸ் மற்றும் சிஸ்டம்களில் சத்தம் இல்லை.
தேடு பொறியில் இரண்டு நாட்களாக தேடித்தேடி பலவற்றை படித்தாலும் நமக்கு தண்ணிகாட்டிக்கொண்டிருந்தது.எதேச்சையாக alsamixer ஐ டெர்மினலில் கொடுத்து ஒரு பாடலை ஓடவிட்டுக்கொண்டு ஒவ்வொரு சேனலையும் ஏற்றி இறக்கி முயற்சித்துக்கொண்டிருந்த போது ஒன்றில் மாறுதல் செய்யும் போது சத்தம் வர ஆரம்பித்தது.அடுத்து பயர்பாக்ஸ் இதிலும் விழுந்து எழுந்து என்னனென்வோ செய்தும் செம தண்ணிகாட்டியது.பல கருத்துகள் அதற்கேற்ப மாறுதல்கள்...சில மாறுதல் ஏன் செய்யவேண்டும் அதனால் என்ன பலன் என்ன என்பது கூட தெரியாமல் செய்தேன்,அசைய மருத்தது.இலவசமாக கிடைக்குதே என்று ஏன் இதோடு மன்றாடுகிறார் என்ற பார்வையோடு மனைவி!!

கடைசியில் வெற்றி கிடைத்தது இப்படி...

Firefox Address bar இல் about:plugins அடிங்க அவற்றில் இதுவரை நீங்கள் போட்டுள்ள plugin யின் வரிசை கிடைக்கும்.என்னுடைய firefox யில் இரண்டு வித Shock Flash Player இருந்தது. அதன் மேற்பகுதியில் அது எந்த இடத்தில் நிறுவப்பட்டிருக்கிறது என்று சொல்லப்பட்டிருக்கும்.இப்போது என்னுடைய கணினியில் வெர்சன் 9 & 10 ம் இருந்தது. 9 தை நீக்கிவிட்டால் சரியாகிவிடும் என்று தோனி கீழ்கண்ட மாதிரி கமென்டை terminal லில் கொடுத்தேன் அவ்வளவு தான் சவுண்ட் அட்டகாசமாக வர ஆரம்பித்துவிட்டது.

மவுசை கானுமா?

2010-08-30T08:04:00.000-07:00

இரவு முழுவதும் தரவிரக்கத்துக்கு போட்டுவிட்டு தூங்கினேன்,மறு நாள் சாயங்காலம் கணியை உபுண்டுவில் திறந்தால் மவுஸ் கர்சர்யை காணவில்லை.என்னடா இந்த தொந்தரவு என்று எதை எதையோ தோண்டி கூகிளிடம் கேட்டால் அது ஏதோ "Bug" சொல்லிவிட்டது.ஒரு சிலருக்கு தோனியதையெல்லாம் செய்த போது மவுஸ் திருப்பி கிடைத்தது அதையெல்லாம் நான் செய்த போது அது வேலைசெய்யவில்லை.

மவுஸ் கர்சர் மட்டும் இல்லை,எந்த விண்டோவிலும் மினிமைஸ்,Maximise மற்றும் மூட உதவும் பட்டன்களையும் பார்க்க முடியவில்லை அதோடு Move செய்யவும் முடியலை.

இன்று முழுவதும் தேடித்தேடி பல முயற்சிகளை செய்து கடைசியாக இந்த முறை எனக்கு உதவியது.

Synaptic யில் Metacity என்று தேடி அதை மறுமுறை நிறுவவும் அதன் பிறகு

System------>Preference----> Appearence-----> Visual Effects யில் Normal க்கு மாத்திடுங்க,அவ்வளவு தான் இனிமேல் எல்லாம் வேலை செய்யும்.இது ஒவ்வொரு முறை கணினியை ஆரம்பிக்கும் போது செய்யவேண்டி வரும்.
தற்காலிக நிவாரணம் தான்.

கூகிள் எர்த்-லினக்ஸில்

2010-05-13T23:42:00.000-07:00

உபுண்டுவில் கூகிள் எர்த் எப்படி நிறுவுவது?
டெர்மினலை திறந்துகொள்ளவும் (Application-Accessories-Terminal)
முதல் படத்தில் உள்ள மாதிரி தட்டச்சு செய்து Enter ஐ அமுத்த வேண்டியது தான்.

முதலில் ஆரம்பிக்கும் போது கிராஸ் ஆனது பிறகு சரியாகிவிட்டது.

வீட்டுக்கு அழகு.

2010-04-09T03:57:00.000-07:00

எப்பவும் போல் நம் வீட்டை அழகுபடுத்தி பார்க்கனும் அதுவும் சாமான்கள் வாங்குவதற்கு முன்பே செய்து பார்க்கனும் என்று தோன்றினால் மென்பொருட்களின் உதவியில்லாமல் முடியாது அதுவும் வின்டோஸ் கணினி என்றால் பல வித மென்பொருட்கள் இருக்கின்றன.அதெல்லாம் இருந்துட்டு போகட்டும் லினக்ஸில் என்ன இருக்கு என்று சுமார் 10 நிமிடத்துக்கு முன்பு கூகிளாரிடம் கேட்ட போது கொடுத்த முதல் மென்பொருள்..

SWEET HOME 3D

தரவிரக்கத்திற்கு தேவையான வழிமுறைகளை அங்கேயே கொடுத்திருக்கிறார்கள் அதன் படி செய்தால் சில நிமிடங்களில் உங்கள் வீட்டை வடிவமைக்க வேண்டிய மென்பொருள் தயாராக கணினியில் காத்திருக்கும்.எப்படி செய்ய வேண்டும் என்ற வழிமுறைகள் அவ்வப்போது பெட்டிச்செய்தியுடன் கொடுப்பதால் ஆர்வம் இருப்பவர்கள் உதவி கோப்பை கூட படிக்காமல் வேலை செய்யதொடங்கிடலாம்.

கட்டம் ஒன்று போட்ட உடனே அதன் பரப்பளவை கொடுத்துவிடுகிறது.ஜன்னல்,சோபா ...என்று எத்தனையோ விதங்களை கொடுத்து வேண்டிய இடத்தில் போட்டு அழகு பார்க்க வேண்டியது தான்.இப்படி உருவாக்கியதை பலவித கோப்புகளாக மாற்றவும் வசதி செய்துகொடுத்துள்ளார்கள்.உங்கள் கற்பனையை கட்டவிழ்த்து விட்டு தேவைப்பட்டதை போட்டு அழகு பாருங்கள்.

Auto Shutdown

2010-03-10T22:33:00.000-08:00

சில சமயம் தரவிறக்கம் எப்போது முடியும் என்று தெரியாததால் கணினியை அப்படியே Onயில் விடவேண்டியிருக்கும் மற்றும் அவசியம் இல்லாத நேரத்தில் மின்சாரத்தை மிச்சம் பிடிக்க கணினியை ஒரு குறிப்பிட்ட நேரத்தில் தானாகவே மூடிக்கொள்ள வசதி இருந்தால் நன்றாக இருக்குமே என்று ரொம்ப நாளாக யோசித்துக்கொண்டிருந்தேன். தேடுதலில் இறங்கிய போதும் அவ்வளவாக அகப்படவில்லை.உபுண்டுவில் Application---> கடைசியில் Ubuntu Software Centre யில் Gshutdown என்கிற மென்பொருள் கிடைக்கிறது,இதன் மூலம் உங்களுக்கு தேவையான நேரத்தில் கணினியை முழுவதுமாக மூடவைக்கலாம்.
முயன்றுபாருங்கள்.

புதுப் புது மென்பொருட்கள்

2010-03-03T10:26:00.000-08:00

உபுண்டு 9.10 போட்டு அதை மேம்படுத்திய பிறகு பார்த்தால் புதுப் புது மென்பொருட்களை அவ்வளவாக தேடாமல் இப்படி வரிசைப்படுத்தி கொடுத்துள்ளார்கள்.KDE மற்றும் Gnome க்கு என்று தனித்தனியாக கொடுத்துள்ளார்கள்.இவ்விரண்டுக்கும் உள்ள வேறுபாட்டை அதன் பெயர்களை கொண்டே கண்டுபிடித்துவிடலாம்.

பிறகு என்ன? தரவிறக்கி ஜாமாய்ங்க.

USB இணைய இணைப்பு

2010-02-18T09:46:00.000-08:00

லினக்ஸுக்கு USB என்றாலே ஆகாது போல் இருக்கு பல முறை சில வன்பொருட்களை வேலைசெய்ய வைப்பதற்குள் தாவு தீர்ந்துவிடும்.பொருமை இருந்தால் கவனமுடன் பிரச்சனைகளை அலசினால் வெற்றி பெறலாம் என்பதற்கு இது ஒரு சான்று.

மஸ்கட்டில் இணைய இணைப்பு பெரும்பாலான மக்கள் Nawras அல்லது Omantel ஐயே நம்பி இருக்கவேண்டியுள்ளது.நவ்ராஸூம் ஓமன்டெல் மூலமே இணைய இணைப்பை வழங்குவதாகவே தெரிகிறது.பல வித இணைப்புகள் இருந்தாலும் நான் தேர்தெடுத்து என்னுடைய அலைபேசி மூலம் ஏற்படுத்திக்கொடுக்கும் இணைய இணைப்பை தான்.இரண்டு நாளுக்கு இரண்டு ரியால்.2 GB அளவு மட்டுமே உபயோகிக்க முடியும்.இணைப்பு Wireless மூலம் கொடுக்கப்படுகிறது.

வின்டோசில் அலைப்பேசி மூலம் இணைய இணைப்பை ஏற்படுத்தி உபயோகிக்கும் போது என்ன தான் அலைபேசி மோடமாக செயல்பட்டாலும் இணைப்பின் வேகம் வெகுவாக பாதிக்கப்படுகிறது.இந்நிலையில் என் அலுவலகத்தில் இருப்போர் USB Dongle என்று சொல்லப்படுகிற வகை வன்பொருளை கொண்டு இணைய இணைப்பை ஏற்படுத்தி உபயோகித்திக்கொண்டிருப்பதை பார்த்தேன்.அவர்கள் சிம் கார்டை அதில் சொருகி அதன் மூலம் இணைப்பை கொண்டுவந்தனர்.அதை பார்த்த போது அதன் மேல் Oman Mobile என்று போட்டிருந்தது.என்னுடைய அலைப்பேசி Nawras என்பதால் அதை நான் உபயோகப்படுத்த முடியாது என்று நினைத்திருந்தேன் அதனால் நான் அதை வாங்கவும் இல்லை.என்ன தான் Nawras அதே வன்பொருளை 69 ரியாலுக்கு விற்றாலும், விலை அதிகம் என்பதால் அலைபேசியை மோடமாகவே உபயோகித்து வந்தேன்.இந்நிலையில் என்னுடன் வேலை பார்த்தவர் சிங்கப்பூர் திரும்புவதால் அந்த Dongle சும்மாகவே கிடந்தது.அதை ஒரு நாள் என்னுடைய வின்டோசில் போடு ஆராய்ந்துகொண்டிருக்கும் போது அதற்கு தேவையான டெலிபோன் எண் (*99#) மற்றும் APN முகவரியை கொடுத்தால் எந்த அலைபேசி இணைப்பையும் ஏற்படுத்தலாம் என்பதை தெரிந்துகொண்டேன்.இது தான் ஆதார சுருதி.

இதற்கிடையில் என்னுடைய சோனி எரிக்சன் முலம் உபுண்டுவில் தேவையான மாறுதலை செய்துகொண்டு மேம்படுத்திக்கொண்டிருந்தேன்.ஒரே ஒரு மேம்பாடு (WICD) எல்லாவற்றையும் தலைகீழாக புரட்டிப்போட்டு இணைய இணைப்பே இல்லாமல் செய்துவிட்டது.எல்லா இடங்களில் சொல்லப்பட்ட செயல் முறைகளை செய்துப்பார்த்து சோர்ந்துவிட்டேன்.கொஞ்ச நாள் இந்த பக்கமே வராமல் இருந்துவிட்டாலும் அவ்வப்போது சும்மா கிடக்கே என்று திரும்பவும் தேடுதலை ஆரம்பித்தேன்.

நான் செய்ததெல்லாம் இது தான்.

1.என்னுடைய WVdial கோப்பை மாற்றி அமைத்தேன்.
2.Wicd ஐ தூக்கிவிட்டு Network Manager ஐ நிறுவினேன்.
3.Kernal ஐ மேம்படுத்தினேன்.

அதன் பிறகு கீழே உள்ள படத்தை பார்க்கவும்.

முடிந்தது கதை.இந்த பதிவு கூட இதன் மூலம் கிடைத்த இணைய இணைப்பில் தான்.இந்த Network Manager ஏதும் வேலை செய்கிறதா என்று தெரியவில்லை.பாருங்கள் 2 மாத இணைப்பு என்று காண்பிக்கிறது.

பட அளவை மாற்ற

2009-08-02T06:28:00.000-07:00

லினக்ஸில் ஒரு கோப்பின் உள்ளே மிகப்பெரிய அளவில் ஒரு 100 படம் இருக்கு என்று வைத்துக்கொள்வோம் அதை அத்தனையும் வலையில் ஏற்றனும் என்றால் கொஞ்சம் கஷ்டம்.முதலில் அதிக வேகமுள்ள இணையம் வேண்டும் அதோடில்லாமல் தேவையில்லாமல் மிக அதிக அளவுள்ள படங்களை இணையத்தில் ஏற்றுவதால் அவ்வளவு பிரயோஜனம் இலை.

இப்படி இருக்கிற 100 படங்களை கொஞ்சம் அளவை குறைத்தால் வலை ஏற்றுவதற்கும் இணைய வேகமும் நம் கட்டுக்குள் கொண்டு வரமுடியும் அல்லவா?ஒவ்வொரு படத்தையும் ஏதோ மென்பொருளில் ஏற்றி அளவை குறைத்து திரும்ப சேமித்து என்று வேலை அதிகம் வைக்கும்.வின்டோஸ் என்றால் பல மென்பொருட்கள் இருக்கும் ஆனால் லினக்ஸில் என்ன செய்வது?ரொம்ப ரொம்ப சுலபம் "ஒரே ஒரு வரி" அத்தனையும் சில வினாடிகளில் முடித்து விடலாம்.அதை எப்படி என்று பார்கலாமா?

உதாரணத்துக்கு உங்கள் Picture கோப்பில் படங்கள் உள்ளன என்று வைத்துக்கொள்வோம்.

cd /home/Pictures என்று டெர்மினலில் தட்டச்சு செய்யுங்கள்.இதன் மூலம் நீங்கள் அந்த கோப்பின் வாசலில் இருப்பீர்கள்.

அதற்கு மேல் கொடுக்கப்போகும் கமென்டுக்குள் முன்னால் Synaptic Package Manager மூலம் உங்கள் கணினியில் Image Magick என்ற முன்பொருள் நிறுவப்பட்டிருக்கா என்று சோதனை செய்துகொள்ளவும்.இல்லை என்றால் நிறுவிக்கொள்ளவும்.நிறுவிய பிறகு

mogrify -resize 1024 *JPG (படம் jpeg or jpg or JPG ஆக இருக்கக்கூடும்) அதற்கு தகுந்த மாதிரி மாற்றிக்கொள்ளவும்.

அவ்வளவு தான் முடிந்தது.சில நொடிகளில் எல்லா படங்களும் மாற்றப்பட்டிருக்கும். நான் பண்ண தவறுகளை கீழே உள்ள படத்தை சொடுக்கி பாருங்கள்.

From லினக்ஸ்

Fedora 11

2009-07-04T07:24:00.004-07:00

இன்று காலை தரவிறக்கிய Fedora 11 Live CD ஐ முயற்சிக்க வட்டு இல்லாத்தால் சற்று முன் முஸ்தாபா வில் வாங்கி வந்தேன்.
ISO கோப்பை வட்டில் எழுதிவிட்டு பூட் செய்தேன்...
முதல் முகம்..

பூட் ஆகிறது

ஆரம்பிக்கிறது..

வந்திடுச்சி ஃபெடோரா 11, முகப்பு பக்கம் உபுண்டு சாயலடிக்கிறது.

கோப்புகள் சரியாக திறக்கிறது.

அடுத்து கம்பியில்லா தொடர்புகள்....இவ்வளவு இருக்கா!!

ஒவ்வொன்றாக முயற்சிக்கும் போது வெப் கேம் வந்தது அதை முயற்சிக்க சீஸ் என்ற மென்பொருள் இருந்தது வழக்கம் போல் வேலை செய்யவில்லை,அதற்கான உதவி கோப்பை தேடினால அதில் உள்ள பதில் இன்னும் ஆச்சரியத்தை உண்டு பண்ணியது ஆதாவது உபுண்டு ஃபோரம்க்கு போகச்சொன்னார்கள். வேடிக்கையாக இல்லை??

இணையம்

தமிழ் எப்படி தெரிகிறது??கீழ் படம்

படங்கள் அனைத்தும் அலைபேசியில் எடுத்ததால் தெளிவு குறைவாக இருக்கு,பொருத்துக்கொள்ளவும்.

இது லைவ் சிடி என்பதால் ஆபீஸ் மென்பொருட்கள் சேர்க்கவில்லை போலும்.மொத்ததில் நன்றாக இருக்கு.இன்னும் இந்த வெப்கேம் பிரச்சனை எப்பத்தான் தீரப்போகிறதோ தெரியலை.

லினக்ஸில் Bug?

2009-04-24T23:20:00.000-07:00

வரும் படங்களை பாருங்கள்..
Bit Torrent மூலம் தரவிரக்கம் செய்யும் போது எடுத்தது.தரவிரக்கம் வேகம் MB யில் இருக்கு அதுவும் ஒரு செகண்டுக்கு.
பிழையாக செய்தி காண்பிக்கிறது - 1 நிமிடம் மட்டுமே பாக்கி என்று 20 நிமிடமாக காட்டிக்கொண்டிருக்கிறது.
இது லினக்ஸின் பிழையா அல்லது அந்தமென்பொருளின் பிழையா என்று தெரியவில்லை.

கொஞ்ச நேரம் கழித்து,

Test for Picture Zoom

2009-03-30T04:19:00.000-07:00

Test (இந்த முயற்சி - கடைசி படத்தில் மட்டுமே)

கீழே படத்தின் மீது சொடுக்கவும்.

test

லினக்ஸின் பன் முகம்

2009-03-26T04:51:00.000-07:00

தொடர்ந்து ஆச்சரியங்களை கொடுத்துக்கொண்டிருக்கும் லினக்ஸில் இது தான் நான் சமீபத்தில் எனது கணினியில் செய்தது.
என்னுடைய திரையை கனசதுரமாக மாற்றி சுற்றிச் சுற்றி பல திரைகளில் ஒரே சமயத்தில் வேலை பார்க்கலாம்.

இதை நிறுவ Compiz என்ற மென்பொருளை நிறுவ வேண்டும்,உபுண்டுவில் இருப்பவர்கள் இதை Synaptic Package Manager மூலம் நிறுவிக்கொள்ளலாம்.இதை நிறுவிய பிறகு எல்லா Application உம் காகிதம் போல் இழுத்து/வளைத்து எங்கு வேண்டுமானாலும் வைத்துக்கொள்ளலாம்.இதனுடன் கூடிய செட்டிங்க்ஸில் தேவையான மாறுதல்களை செய்து உங்கள் கணினி திரையை அழகுபடுத்தலாம்.

அடுத்து..
இந்த மேக்(MAC) கணினியை நான் ஒரே ஒரு முறை தான் உபயோகித்துள்ளேன் அதில் பல விஷயங்கள் இருந்தாலும் முகப்பில் வரும் Application Task Icons தான் மிகவும் பிடித்திருந்தது.அதே முறையை லினக்ஸிலும் கொண்டுவர முடியும் என்று படித்திருந்தாலும் அதை முயலாமல் இருந்தேன்.அந்த யோஜனை இன்று தோன்றியதால் இங்கு சொல்லிய படி செய்தேன்,மிக எளிதாக வந்துவிட்டது.ஆர்வம் உள்ளவர் முயன்றுபார்கலாம்.

துபாய் பேருந்தில் லினக்ஸ்.

2009-03-17T02:28:00.000-07:00

போன வெள்ளிக்கிழமை பேருந்தில் போகும் போது Al Quoz அருகே ஓரிடத்தில் பேருந்தை நிறுத்திவிட்டு ஓட்டுனர் ஏதோ பார்ப்பதற்காக எல்லா சுவிச்சுகளை அணைத்துவிட்டு வெளியில் போனார்.சுமார் 2 நிமிடங்களுக்கு பிறகு வந்து பேருந்தை கிளப்புவதற்காக சுவிச்சை துவக்கும் போது,பேருந்து கணினி திறையில் LILO (லினக்சுக்கான பூட் லோடர்) ஓடிக்கொண்டிருந்ததை பார்க்க முடிந்தது.கீழே உள்ள படத்தில் பார்க்கலாம்.உள் வெளிச்ச பிரதிபலிப்பு இருப்பதால் படம் அவ்வளவு தெளிவாக இல்லை.பெரிதுபடுத்தி பார்க்க படத்தின் மீது சொடுக்கவும்.

சத்தமே இல்லாமல் துபாய் போக்குவரத்து கழகம் திறந்த மென்பொருள் மூலத்துக்கு மாறிக்கொண்டு வருகிறது.

என் யோக ஜாதகம்!!

2009-03-17T02:13:00.000-07:00

லினக்ஸில் என்ன இல்லை?வாருங்கள் பார்ப்போம்.
கனினியில் ஜாதகம் மென்பொருள் பல வருடங்களாக இருந்தாலும் அது லினக்ஸிலும் இருக்கு என்பதற்கு இது உதாரணம்.
Synaptic Package Managerயில் (System--->Administration---->synaptic) இது பற்றி தேடும் போது Astrolog என்ற மென்பொருள் கிடைத்தது.இம்மென்பொருள் GUI வடிவில் இல்லை அதனால் டெர்மினல் மூலமாகவே செயல்படுகிறது.

Application----->Accessories----->Terminal

அதில் astrolog என்று தட்டச்சு செய்தால் கீழ்கண்டவாறு கேள்விகள் கேட்கும் அதற்கு தகுந்த பதில்களை கொடுத்தால் உடனே கிடைக்கும் உங்கள் ஜாதகம்.இப்படி கணித்த ஜாதகத்தை அலசும் அறிவு எனக்கு இல்லாத்தால் அப்படியே விட்டுவிட்டேன்,ஆர்வம் உள்ளவர்கள் முயலாம்.

ஜாவா...ஜாவா உயிரை வாங்காதே

2009-03-09T03:45:00.000-07:00

மடிக்கணினி வன் தட்டு கண்ணை மூடும் நேரம் வந்தாலும் விடாமல் அதில் உபுண்டுவை(8.10) நிறுவினேன்.இம்முறை அனைத்தும் சூமூகமாகவே இருந்தது.இணையம் என்று வரும் போது பயர்பாக்ஸில் பிளாஸ் நகர்படமும் எந்தவித பிரச்சனையில்லாமல் வந்தது.பயர்பாக்ஸ் 3.04 வில் இருந்து 3.05 க்கு மேம்பாடு கண்டபோது பிளாசில் பிரச்சனை ஆரம்பித்தது.Plug-in இல்லை என்றும் அதை அடோப் வலைப்பக்கத்தில் இருந்து இறக்கி நிறுவவும் என்றது அத்தோடு அனைத்து வித flash கோப்புகளையும் பார்க்க முடியவில்லை.இந்நிலையில் 3.0.7 பயர்பாக்ஸ் மேம்பாடு கண்டது ஆனால் அதனால் இந்த Flash பிரச்சனையை சரியசெய்ய முடியவில்லை.

பல வித Forum களில் சொல்லப்பட்ட ஏகப்பட்ட வழிகள் எல்லாம் செய்து பார்த்து மலங்க மலங்க முழித்துக்கொண்டிருந்தேன்.இவ்வேளையில் புது வன்பொருளில் உபுண்டு 8.1 நிறுவி மேல் சொன்ன வழி வந்து நின்றிருந்தேன்.ஒரு வலைப்பக்கத்தில் சொல்லியிருந்த எளிய வழி இப்பிரச்சனைக்கு முடிவு வைத்தது,அது இது தான்.

முதலில் அடோப் இந்த பக்கத்தில் போய் உங்களுக்கு தேவையான .deb அல்லது .tar.gz கோப்பாகவோ இறக்கி நிறுவிக்கொள்ளுங்கள்.அச்சமயத்தில் உங்கள் பயர்பாக்ஸ் ஐ மூடிவிடவும்.நிறுவுதலை /usr/lib/java வில் நிறுவிக்கொள்ளவும்.நிறுவுதல் முடிந்தவுடன் அதை சரி பார்க்க இங்கு சென்று சரிபார்த்துக்கொள்ளுங்கள்.இது எல்லாம் சரியாக இருந்தால் பிரச்சனையில்லை,பல சமயங்களில் இது வேலை செய்வதில்லை அந்த மாதிரி சமயங்களில் கீழ்கண்ட முறையில் இரு கோப்புகளுக்கு ஒரு தொடர்பு ஏற்படுத்திக்கொடுத்துவிட்டால் உங்கள் பிரச்சனை தீர்ந்துவிடும் அதற்கு முன்பு Synaptic Package Manager மூலம் sun-java6-jre நிறுவிக்கொள்ளவும் அதோடு sun-java6-bin ஐயும் நிறுவிக்கொள்ளவும்.

கடசியாக உங்கள் டெர்மினலை திறந்து கீழ்கண்டவாறு தட்டச்சு செய்து எண்டரை அமுத்தவும்.மறக்காமல் பயர்பாக்ஸை மூடி திறக்கவும்.

cd /usr/lib/firefox-3.0.7/plugins

sudo ln -s /usr/lib/jvm/java-6-sun/jre/plugin/i386/ns7/libjavaplugin_oji.so

இனி பாருங்க எல்லாமே சூப்பராக இருக்கும்.

பயர் பாக்ஸ்

2009-02-07T21:16:00.000-08:00

இந்த பயர்பாக்ஸ் வந்ததில் இருந்து மற்ற உலாவிகள் பக்கம் திரும்பவே முடிவதில்லை,ஒவ்வொரு நாளும் ஆச்சரியமூட்டும் அளவுக்கு விபரங்கள் அடங்கியுள்ள ஒரு உலாவி என்றால் மிகையில்லை.இதெல்லாம் தான் எல்லோரும் தெரியுமே,புதுசா ஏதாவது இருக்கா என்று கேட்கிறீர்களா? இல்லாமலா!

இந்த உலாவியின் வலது பக்கத்தில் கூகிளுக்கான தேடுபொறி இதோடு சேர்ந்துவருவது தெரிந்ததே அதை உபயோகப்படுத்தும் போது பெறும்பாலும் ஆங்கிலத்திலேயே விபரங்கள் ஆங்கில பக்கத்திலேயே வரும்.இது எல்லாம் நீங்கள் வசிக்கும் தேசத்தை பொருத்தது.இங்கு துபாயில் அதை உபயோகபடுத்தும் போது அந்த பக்கத்தின் முகப்பில் ஒரே அராபிக் மொழியில் இருக்கும்,இது உள்ளூர்காரர்களுக்கு வசதி ஆனால் நம்மைப் போன்றவர்களுக்கு இது தலைவலி.இதை ஆங்கிலத்துக்கு கொண்டுவர அங்கு சுட்டி ஒன்றும் இல்லாத பட்சத்தில் கூகிளாரிடமே அடைக்கலம் அடைந்தேன்.விடைகள் பல இருந்தாலும் இது தான் சரியாக இருக்கும் என்ற குத்துமதிப்பில் இதை செயல்படுத்தினேன்,வெற்றியும் கிடைத்தது.

நீங்கள் வெளிதேசத்தில் அதுவும் ஆங்கில பேச்சு மொழி வழக்கில் இல்லாவிட்டால் இம்முறை உங்களுக்கு பயனளிக்ககூடும்.

ஆதாவது பயர்பாக்ஸ் இருக்கும் கோப்பின் உள்ளே searchplugin என்ற பொட்டி உள்ளே google.xml என்ற கோப்பை திறந்து அதில் உள்ள கடைசி வரியில் உள்ள firefox ஐ நீக்கிவிட்டி ncr (No Country Restriction) என்று போட்டுவிட்டால் முடிந்தது.

படத்தின் மீது சொடுக்கி பெரிதாக்கிப்பாருங்கள்.

PDF- Edit

2009-02-07T05:15:00.000-08:00

இந்த வின்டோஸில் இல்லாத மென்பொருளே கிடையாது போலும் இருந்தாலும் அதை ஒவ்வொன்றாக வாங்கி வாங்கியே நம்முடைய கணினி வாங்கிய செலவு போல் 2 மடங்குக்கு வாங்கவேண்டி வரும்.சில மென்பொருட்கள் இலவசமாக கிடைத்தாலும் அது நம் தேவையை பூர்த்தி செய்யுமா? என்று வாங்கும் முன்பே சொல்ல முடியாது,என்ன தான் முன் பதிவு மென்பொருள் உபயோகித்து பார்த்துவிட்டு வாங்கினாலும் பிற்கால தேவைக்கு ஈடு கொடுக்கும் என்ற உத்திரவாதமும் இருக்காது.இப்படிப்பட்ட நிலையில் லினக்ஸுக்கு மாற்று இது வரை என் கண்ணில் படவில்லை.

ஒரே ஒரு உதாரணம் பார்க்கலாம்.

PDF- இவ்வகை கோப்புகளை நம்மில் பலரும் உபயோகித்திருக்கலாம்.அதன் பயன்பாடுகளில் மிக முக்கியமானது அதன் அளவு.மிகக்குறைந்த அளவில் பரிமாறிக்கொள்ள வசதியாக உள்ள ஒரு கோப்பு இது.

சில சமயங்களில் இணையத்தில் இருந்து இறக்கிய கோப்பு அளவில் கூடுதலாகவும் அதே சமயத்தில் பல பக்கங்களை கொண்டதாகவும் இருப்பது பல விதங்களில் தொந்தரவாகவும் இருக்கும்.இந்த கோப்பையே சில பக்கங்கள் உள்ள தொகுப்பாக மாற்ற முடிந்தால்... சௌகரியம் தானே.இந்த மன நிலையில் தேடிக்கொண்டிருந்த போது கிடைத்த ஒரு மென்பொருள் (இலவசம்) pdftk என்பதாகும்.இதற்கு GUI (Grraphical User Interface) கிடையாது,எழுத்து வடிவில் நம்முடைய கட்டளையை கொடுத்தால் அதுவே பிரித்துக்கொடுத்து விடும்.

ஆமாம்,இக்கட்டளைகளை எப்படி அறிந்துகொள்வது?

இது எல்லாவற்ருக்கும் கீழே உள்ள படத்தை சொடுக்கி பெரிதாக்கி தெரிந்துகொள்ளுங்கள்.

ஆதாவது பல பக்கங்களை கொண்ட ஒரு pdf (mergepdf) என்ற கோப்பை முதல் பத்து பக்கங்களை மட்டும் கொண்ட மற்றொரு புதிய கோப்பாக split.pdf என்று ஏற்படுத்திக்கொண்டேன்.இம் மென்பொருளில் மேலும் பல வித உத்திகளை கையாள வசதி செய்துகொடுத்துள்ளார்கள்,அததனையும் இலவசமாக.ஆர்வம் உள்ளவர்கள் முயன்றுபாருங்கள்.

உபுண்டு லினக்ஸ் உபயோகப்படுத்துபவர்கள் இதை synaptic Package Manager மூலம் நிறுவிக்கொள்ளலாம்.

ffmpeg

2009-02-04T23:08:00.000-08:00

ரொம்ப நாளாக இந்த பக்கமே வரமுடியலை ஏனென்றால் மடிக்கணினி உபயோகிக்க வேண்டிய நிலை அதோடு அதில் இருக்கும் Winxp யில் கைவைக்க மனது வரவில்லை.

இருந்தாலும் அரிக்கும் கையை சொறியாமல் இருக்க முடியாதே!! உபுண்டு 8.10 ஐ வின்டோஸுக்கு பக்கத்திலேயே நிறுவினேன்.

மேலே போவோம்.

தலைப்பை பார்த்து பயந்திடாதீங்க,இது ஒரு மென்பொருளின் பெயர் அதுவும் .avi ஆக இருக்கும் கோப்பை நமக்கு வேண்டிய வேறு வித கோப்பாக மாற்றிக்கொடுக்கும் மென்பொருள்.இது கமென்ட் லயன் என்பதால் கொஞ்சம் யோசித்தேன் ஆனால் எப்போதோ மயூரன் எழுதிய பதிவும் அங்கும் இங்கும் படித்த பக்கங்கள் மூலம் முயற்சிக்கலாம் என்று இறங்கி வெற்றியும் பெற்றேன்.

உங்களிடம் உள்ள Synaptic Package Installer மூலம் இந்த மென்பொருளை தேடி நிறுவிவிடுங்கள்.அதன் பிறகு டெர்மினலை ஆரம்பித்து அதில்

ffmpeg man என்று கொடுத்து என்டரை அமுத்தவும்.இந்த மென்பொருள் என்னென்ன வேலை செய்யும் என்று எழுத்து மூலம் விளக்கியிருப்பார்கள்,மிக எளிமையாக.

நான் என்ன பண்ணினேன் என்பதை கீழுள்ள படத்தை சொடுக்கி பெரிதாக்கி பாருங்கள்.

வெகு விரைவாக முடித்து அதையும் டெஸ்க் டாப்பில் போட்டுவிட்டது.

நகர் படம் நறுக்குதல்

2008-06-28T16:59:00.000-07:00

ஒரு பெரிய நகர்படத்தில் இருந்து தேவையான அளவை மட்டும் வெட்டுவது எப்படி என்று உபுண்டு லினக்ஸின் 8.10 இல் எப்படி என்று பார்ப்போமா?

வெட்டவேண்டும் என்றவுடன் அங்கு இங்கு என்று தேடாமல்...

system ---Administration --- synaptic package manager ஐ சொடுக்கவும்,அது திறந்த பிறகு அதில் தேடுதல் பொட்டியில் split video என்று கொடுத்தால் முதலிலேயே இந்த Avidemux என்ற மென்பொருளை காண்பிக்கும் பிறகு என்ன அதை சொடுக்கி நிறுவிக்கொள்ள வேண்டியது தான்.

இந்த மென் பொருளை உபயோகிக்கும் போது எடுத்த சில படங்கள்.

தமிழ் எழுத்துரு பிரச்சனை

2008-05-21T05:23:00.000-07:00

உபுண்டு 8.04 க்கு மாறிய பிறகு தமிழ் எழுத்துக்கள் அதுவும் தமிழ்மணம் தெரிவதில் பிரச்சனை இருப்பதாக போன பதிவில் எழுதியிருந்தேன்.

சில நாட்கள் கழித்து சாரங்கன் இதற்கு மாற்று வழி இருப்பாதகவும் அதைப் பற்றி எழுதியிருப்பதாகவும் சொல்லியிருந்தார்.

அவர் சொன்னபடி செய்து பார்த்தால் ஜிஎடிட்டில் நன்றாக தெரியும் எழுத்து தமிழ்மணத்தில் கொஞ்சம் கலங்கலாகத் தான் தெரிகிறது.

கீழே உள்ள படத்தில் பார்க்கவும்...

சாரங்கன் வேறு வழி எதுவும் இருக்கா?

நன்றி.

உபுண்டு 8.04

2008-05-04T02:20:00.000-07:00

ஊருக்கு போய் வந்த பிறகு உபுண்டுவை திறந்த போது மென்பொருள் மேம்படுத்தல் ஞாபகமூட்டலில் உபுண்டு புதிய பதிவு இருப்பதாகவும், மேம்படுத்தலாமா என்று கேட்டுக்கொண்டிருந்தது.

ஏற்கனவே சூடுபட்டுக்கொண்ட நிகழ்வை இங்கு சொல்லியிருந்தேன்,இருந்தாலும் Software Updater மூலமே செய்துபார்க்கலாம் என்று அனுமதியளித்தேன்.பாதி வரை போய் அதன் பிறகு இணைய இணைப்பில் நேர்ந்த கோளாறினால் அப்படியே நின்று போயிருந்தது. தலை வலி ஆரம்பம் ஆனது.

இணைய இணைப்பு விட்டுப்போனது,எங்கு பிரச்சனை என்று ஆராய மனதில்லை. உடனே வின்டோஸுக்கு மாறி உபுண்டு 8.04 பதிவை தரவிரக்கினேன். சுமார் 45 நிமிடங்களுக்குள் 698 MB முடிந்தது. அதன் பிறகு வட்டில் எழுதி, நிறுவளை ஆரம்பித்தேன். என்னுடைய Boot Loader வரும்போது மட்டும் ஜாக்கிரதையாக இருந்து தேவைப்பட்ட இடத்தில்போட்டேன். இந்த முறை நிறுவும் போதே கம்பியில்லா இணைய இணைப்பை அதுவே தெரிந்துகொண்டது மிகவும் ஆறுதலாக இருந்தது. போன முறையில் இதற்காக மிகவும் போராட வேண்டியிருந்தது.

எல்லாம் ஒரு வழியாக முடிந்து திரை கீழே உள்ள மாதிரி திறந்தது.

திரையே அட்டகாசமாக இல்லை!!

முதலில் தமிழை தெரிய வைக்கவேண்டிய ஏற்பாடுகளை செய்தேன், ஆதாவது மொழிக்காக உள்ள இடத்துக்குப் போய் தமிழை தேர்ந்தெடுத்து தேவையானவற்றை நிறுவிக்கொண்டேன்,

அதன் பிறகு இணையத்துக்குப் போய் தமிமணத்துக்குள் போனால் இப்படித்தான் தெரிகிறது.எழுத்துக்கள் சிரியதாக.

முகப்பு பக்கம் மட்டுமே இந்த பிரச்சனை,தொடுப்புகளை சொடுக்கினாள் எவ்வித பிரச்சனையில்லாமல் எழுத்து நன்றாகவே தெரிகிறது.

மீதமுள்ள மென்பொருட்களை ஒவ்வொன்றாக சோதித்துக்கொண்டு வரும் நேரத்தில் நம்ம மயூரேசன் எழுதிய totem movie player யில் யூடியூப் படங்களை பார்க்கலாம் என்று சொல்லியிருந்தது ஞாபகம் வந்தது. அங்கு போய் அதில் சொல்லியிருந்தபடி நிறுவியவுடன் ஏற்படும் மாற்றங்களை கீழே பாருங்கள்.

கமலின் பேட்டி..

ஏப்ரல் மேயிலே பசுமையே இல்லை....

தமிழியிலேயே தேடமுடியும் அதோடு வீடியோ தரமும் அருமையாக இருக்கு.

இணைய இணைப்புக்கு மாத்திரம் ஒவ்வொரு தடவையும் கடவுச்சொல் அடிக்கவேண்டியிருப்பது போன்ற சில நச்சு வேலைகள் இருப்பதை தவிர பெரிய தொந்தரவு கண்ணில் படவில்லை.

ஏதாவது ஒரு விண்டோவை மூடும் போது 3D முறையில் அழகாக மூடுகிறது.

முடிந்தால் முயற்சித்து பாருங்கள்.

எங்கெல்லாம் சுத்து்தோ!!

2008-04-10T19:38:00.000-07:00

என்னுடைய பதிவுகளை தமிழ்மண திரட்டியில் இருந்து விலக்கச்சொன்ன பிறகு வேறு எங்கேத் தெரியப்போவுது என்று இருந்தேன்.

இன்று காலை பொழுது போகாம “ThatsTamil" பக்கத்தில் மேய்ந்து கொண்டிருந்த போது வலைப்பக்கத்தில் உபுண்டு- பென் டிரைவில் என்று தெரிந்தது,என்னடா நான் போட்ட தலைப்பா இருக்கே என்று பார்த்தால் அது என் சுட்டிக்குத்தான் போகிறது.அட! இப்படியெல்லாம் செய்யமுடியுமா? என்றிருந்தது.

இந்த மாதிரி எங்கெங்கு போகிறதே? யாராவது பயணடைந்தால் சரி.

வீடியோவை பிடிக்க

2008-03-15T20:29:00.000-07:00

லினக்ஸ் - உபுண்டுவில் வீடியோவை பிடிக்க ஒரு சுலபமான வழியை இணையத்தில் காண நேர்ந்தது,அது கீழ் வருமாறு.

இப்ப நீங்க யூடூபில் ஒரு படம் பார்க்கிற்ரிங்க அதை சேமித்து பிறகு பார்க்கவோ அல்லது யாரிடமோ காண்பிக்கவோ சேமிக்க வேண்டும்,எப்படி செய்வது?

கீழே உள்ள படத்தை பார்க்கவும்,

நான் விஜய் பாட்டை பார்க்கிறேன்... முழு பாட்டையும் உங்கள் பக்கம் கேட்ச் செய்தவுடன்,உங்கள் tmp folder ஐ திறந்து பாருங்கள் அங்கு உட்கார்ந்திருக்கும் நீங்கள் பார்த்தவீடியோ ஏதோ ஒரு பெயருடன்.அதை அப்படியே காப்பி/பேஸ்ட் முறையில் எங்கு வேணுமா அங்கு போட்டுவிட்டு அதை மறக்காமல் .flv என்று பெயர் மாற்றம் செய்துவிடுங்கள்.

அவ்வளவு தான்.

உபுண்டு - ஸ்கை பி

2008-02-23T15:55:00.000-08:00

லினக்ஸில் பல வருடங்களாக இருந்த முக்கியமான தடை நேற்று எனக்கு தீர்ந்தது ஆதாவது வீடியோ/ஆடியோ Chat.

கீழே இருக்கும் படத்தை பார்த்து பயந்திடாதீங்க.. எதுக்கு 2 கேமிரா? ஒன்று வின்டோசுக்கு மற்றொன்று லினக்ஸுக்கு.இட பக்க கேமிரா வின்டோஸில் நல்ல ஒளி தரத்துடன் வீடியோ சேட் செய்ய முடியும் அதனால் அதைவிட மனதில்லை ஆனால் லினக்ஸில் வேலை செய்யவில்லை.Logitech கேமிராக்கள் பல லினக்ஸில் நன்றாக வேலை செய்கிறது.

பல வருடங்களாக மென்பொருட்கள் இருந்தாலும் ஒன்று ஆடியோ இருக்கும், வீடியோ இருக்காது.இப்படியே போய் கொண்டிருந்த வாழ்வில் ஏதோ ஒரு ஃரம்மில் லினக்ஸுக்கான மென்பொருளை ஸ்கைபி (Skype) பீட்டா வெர்ஷனாக வெளியிட்டு இருப்பதாக சொல்லியிருந்தார்கள்.அங்கு போய் அதை நிறுவியவுடன் முயன்று பார்த்தேன்,என்னுடைய வெப் கேம்மில் உள்ள மைக் வேலை செய்தது ஆனால் வீடியோவை பார்க்கமுடியவில்லை.

காரணத்தை கண்டுபிடிக்க சில மணி நேரம் பிடித்தது. ஸ்கைபி யை உபயோகிக்கும் முன்பு இதே மாதிரி ஒரு மென்பொருளான Ekiga வை உபயோகித்ததால் கேமிரா அதனுடன் இருந்துவிட்டது.அதை நீக்கியவுடன் கீழே உள்ள மாதிரி தெரிந்தது.

சுமார் 6 வருடங்களாக லினக்ஸில் விளையாடிய பிறகு நேற்று தான் வீடியோ/ஆடியோ சேட்டிங் கை வந்தது.

நீங்களும் முயற்சி செய்து பாருங்கள்.

இதன் தொடர்பில் எழுதிய முந்தைய பதிவு இங்கே.

லினக்ஸில் வரைகலை

2008-01-23T05:28:00.000-08:00

கட்டுமானத்துறையும் இந்த வரைகலையும் இப்போது பிரிக்கமுடியாத அளவுக்கு போய்விட்டது.விண்டோஸில் இதன் தொடர்பில் பல மென்பொருட்கள் இருந்தாலும் அடிச்சிக்கமுடியாத அளவுக்கு உயர்ந்து நிற்பது என்னவோ “AutoCad" தான்.

இதை விண்டோஸில் புரிந்துகொள்வதற்குள் நான் படாத பாடுபட்டேன்,ஆதாவது எந்த வகுப்புக்கும் போகாமல் வெறும் கேள்வி ஞானத்துடன் முயற்சித்தேன்.கொஞ்ச நாள் விடாது விழுந்து பிறகு அலுத்து “சீ இந்த பழம் புளிக்கும்” என்று விட்டெரிந்துவிட்டேன்.

ஒரு சமயத்தில் வர வேண்டிய பிராஜட் நேர கால தாமதம் ஆக கம்பெனி செலவிலேயே அனுப்பி படிக்கவைத்தார்கள்.ஏற்கனவே மண்டைக்குள் கொஞ்சம் போட்டு வைத்திருந்ததால் ஒரு வார கோர்ஸில் தேவையானவற்றை பிடித்துக்கொண்டுவிட்டேன்.

புது பிராஜட் வந்தவுடன் வேறு இடம்,புதிய தலைவர் என்றானவுடன் கணினியும் புதிதாக வாங்கப்பட்டது.தேவையான மென்பொருள் பட்டியலில் ஆட்டோகேட்டும் போட்டு கொடுத்தேன்.

அதி வேக புது கணினி கிடைத்தது அத்துடன் எட்டிப்பார்த்துக்கொண்டிருக்கும் தலைவரும் வாய்த்தார். :-)

மென்பொருள் வாங்குபவதில் சுணக்கம் தெரிந்தது.சரி, சும்மாக இருக்காமல் கம்பெனி IT ஆளுங்களுக்கு ஒரு மின்னஞ்சல் தட்டிவிட்டேன்,ஆதாவது லினக்ஸில் இலவசமாக கிடைக்கக்கூடிய "QCAD" உள்ளது அதை இப்போது US 50 டாலருக்கு விற்கிறார்கள்,வேண்டுமானால் முயற்சிக்கலாம் என்றேன்.

அவ்வளவு தான்,உடனே ஒரு பழைய கணினியில் ரெட் ஹேட் லினக்ஸை போட்டு கொடுத்துவிட்டார்கள்.அதில் வரைபடம் போடப்போகும் போது தான் ஆட்டோகேட்க்கும் அதற்கும் வித்தியாசம் மலைக்கும் மடுவுக்கும் இருந்தது தெரிந்தது.

சரியான விளக்கப்புத்தகம் இல்லாததாலும் சொல்லிக்கொடுக்க யாரும் இல்லாததாலும் போராட ஆரம்பித்தேன்.விடை கீழே உள்ளது.

ஆர்வம் உள்ளவர்கள் அனுபவிக்கவும்.

இன்னும் புரிந்துகொள்ள அதிகம் இருந்தாலும் சிறிய நிறுவனங்களுக்கு இது சரியான விலையே இல்லாததாலும் பொருத்தமாக இருக்கும்.நான் உபயோகிப்பது பழைய வர்சன்.

புதிய டிரைல் வர்சனில் 10 நிமிடங்கள்,மொத்தமாக 100 நிமிடங்கள் இலவசமாக உபயோகிக்கலாம்.

ஐம்பது வெள்ளிதானா!! முயற்சிக்கலாம்.

கம்பியில்லா தொடர்பு

2008-01-20T20:25:00.000-08:00

கீழே சொல்லப்பட்டு இருக்கின்ற விபரங்கள் லினக்ஸில் வேலை செய்பவர்களுக்கு அதுவும் install shield மூலம் தரப்படுகிற நிறுவு கோப்புகளை உடைக்க உதவும்.

என்ன தலையை சுத்துகிறதா? எனக்கும் அப்படி சுத்தி தான் இப்போது தான் தெளிவடைந்தேன்.நான் தெளிவடைந்தால் போதுமா? நீங்கள் குழம்பவேண்டாமா?
தொடருவோம்.

இந்த லினக்ஸில் ஒரு வன்பொருளை வேலைசெய்வதற்குள் சில சமயம் தாவு தீர்ந்துவிடும்.ஊரோடு ஒத்துப்போய் பலர் உபயோகப்படுத்தும் வன் பொருளை உபயோகித்தால் பிழைத்தீர்கள் அப்படியில்லாவிட்டால் தேடித்தேடியே களைத்துவிடுவோம்.அதனால் என்னவோ பலரும் லினக்ஸ் பக்கம் தலைவைத்துக்கூட படுப்பதில்லை.நான் அப்படியில்லை,வேலை செய்யும் வரை விடமாட்டேன் இல்லாவிட்டால் இதற்கு மேல் முடியாது என்றபட்சத்தில்
வேறு வேலை பார்க்க கிளம்பிவிடுவேன்.

இப்போதைக்கு எனக்கு தண்ணிகாட்டிக் கொண்டு இருக்கும் வன்பொருள் “கம்பியில்லா” அடாப்டர்.

கணினி மாற்றுபவதற்கு முன்பு பழைய புதினத்தில் சரியாக வேலைசெய்த அடாப்டர் புதிதில் வேலை செய்ய மறுத்தது.இன்றைய காலக்கட்டத்தில் இணைய இனைப்பு இல்லாவிட்டால் எந்த இயங்குதளமும் ஆக்ஸிஜன் இல்லாத செவ்வாய் போல் தான்.அதனால் எப்படியாவது இணைய இணைப்பை பெறுவதில் முட்டி மோதிக்கொண்டிருந்தேன்.பல வழிகள் செய்தும் இன்றுவரை கிடைக்கவில்லை.பல வன்பொருள் நிறுவனங்கள்

விண்டோஸுக்கு மாத்திரம் டிரைவர்கள் வழங்குவதால் அதை உடைத்து அதிலிருந்து லினக்ஸுக்கு வேண்டியதை எடுத்துக்கொண்டார்கள்.அப்படி உடைக்க ஆரம்பிக்கும் போது அதிலும் ஆயிரம் தலைவலிகள் இருப்பது தெரிந்தது.

இந்த நிறுவல் கோப்புகள் சுறுக்கப்பட்டு இருந்தாலும் அதனுள் இருக்கும் கோப்புகளை விரிவுபடுத்தி அதனுள் இருக்கும் .inf மற்றும் .sys கோப்புகளை எடுப்பது என்பது ஒரு பிரம்மபயத்தனம்.இந்த இரு கோப்புகள் இருந்தால் லினக்ஸில் உள்ள ndiswrapper என்ற மென்பொருள் மூலம் அடாப்டருக்கு தேவையான டிரைவர்களை நிறுவிவிட்டால் ஓரளவு(ஓரளவு தான்) பிரச்சனையை தீர்த்துவிடலாம்.

இந்த நிறுவல் கோப்புகளை விரிவாக்க சரியான இலவச மென்பொருள் கிடைக்காமல் இருந்தது.கூகிளாண்டவரிடம் தேடல் முறையை வித்தியாசப்படுத்தி கேட்ட போது ஒரு மென்பொருளை காண்பித்தது அத்தோடு அதை எப்படி நிறுவுவது அதன் மேல் விளக்கங்களும் அருமையாக இங்கு சொல்லியிருந்தார்கள்.அதன் படி அந்த மென்பொருளை தரவிரக்கி ஜிப் மூலம் விரிவாக்கி அதனுள் (release கோப்பின் உள்)இருக்கும் i6comp என்னும் கோப்பை /windows உள்ளே வைத்துவிடுங்கள்.நிறுவல் எதுவும் கிடையாது.இதை கீ பாயிண்டு மென்பொருள் என்கிறார்கள்.இந்த மாதிரி மென்பொருளை command prompt யில் மூலம் வேலை வாங்கவேண்டும்.

கோப்பை வைத்தாகிவிட்டதா?

இப்போது விண்டோஸ் முலம் Command Prompt க்கு வாருங்கள்,அதில் பிராம்ப்ட் வந்தவுடன் "i6comp" என்று தட்டச்சு செய்து எண்டரை அழுத்துக்கள். இந்த மென்பொருளை உபயோகிக்க தேவையான கட்டளைகளை காண்பிக்கும்.நமக்கு வேண்டியது .inf and .sys மட்டுமே.அதனா ல் அடாப்டரின் .exe கோப்பை ஏதாவது ஜிப் மூலம் திறந்து அதன் கோப்புகளை ஏதோ ஒரு போட்டியில் போட்டு வைக்கவும்.அதில் நமக்கு தேவை கீழ்கண்ட 3 கோப்புகள் மாத்திரம்.

1.data1
2.data.htr
3.data2

மீதமுள்ளவற்றை நீக்கிவிடலாம்.

இப்போது திரும்ப command prompt க்கு வந்து மேலே சொன்ன கோப்புகள் உள்ள இடத்துக்கு வாருங்கள்.

>i6comp e -r data1.cab

என்று கொடுத்து எண்டரை அழுத்துக்கள் அவ்வளவு தான்.படத்தில் கண்டவாறு விரிவாக்கி அதன் போல்டரிலேயே கொண்டுபோய் சேர்த்துவிடும்.அதனுள் நமக்கு தேவையான .inf and .sys கோப்பும் இருக்கும்.

ஆமாம் இது இரண்டும் கிடைத்தால் வேலை செய்யுமா?

தெரியாது வீட்டுக்கு போய் தான் முயற்சிக்கனும். :-))

உபுண்டு- பென் டிரைவில்

2007-12-10T05:48:00.001-08:00

லினக்ஸ் உபயோகப்படுத்துபவர்கள் ஒன்று அதை தன் வன்பொருளில் நிறுவி அதனுடன் விளையாடிக்கொண்டு இருப்பார்கள்,மற்றவர்கள் அவ்வப்போது ஊறுகாய் தொட்டுக்கொள்கிற மாதிரி லைவ் வட்டு முறையில் இயக்கிக்கொண்டு இருப்பார்கள்.

இப்போது மூன்றாவது தலைமுறைக்காக பென் டிரைவில் நிறுவக்கூடிய முறையை போன வாரம் இங்குள்ள பத்திரிக்கையில் போட்டிருந்தார்கள்.அது உங்கள் பார்வைக்காக.

தமிழில் விளக்கலாம் என்று தான் நினைத்தேன்.இதை யார் பார்க்கப்போகிறார்கள் என்ற எண்ணத்துடன் படத்தை மற்றும் போட்டுவிடுகிறேன்.அதுவே மிகவும் விவரமாக இருக்கும்.

நன்றி: தி ஸ்டிரெயிட்ஸ் டைம்ஸ்

உபுண்டு 7.04 ---> 7.10

2007-10-22T20:04:00.000-07:00

சில நாட்களுக்கு முன்பு தான் வந்த இந்த மேம்பட்ட பகுதி 7.10 ஐ நிறுவலாம் என்று நினைத்து அந்த பேக்கேஜ் மேம்பாட்டை துவங்கினேன்.

முதல் அதிர்ச்சியே "இப்போது சுமார் 650 MB " அளவுக்கு தறவிரக்கம் செய்ய போகிறேன் என்றது. என்னடா இது புது வெர்சன் அவர்கள் வலையில் இருந்து இறக்கினாலே அந்த அளவு தானே இருக்கும்,நாமோ மேம்படுத்த தானே செய்கிறோம் எதற்கு இந்த அளவு தறவிரக்கம் செய்ய வேண்டும் என்ற நினைப்புடன் "சரி" என்று சொன்னேன்.

சுமார் 1.30 மணித்துளிகள் ஆகும் என்றது.மானிடரை மட்டும் மூடிவிட்டு வேறு பணிகளை செய்ய ஆரம்பித்தேன்.

அகலப்பட்டை இல்லாதவர்கள் இந்த முறையை தேர்ந்தெடுக்காதீர்கள். நொந்து நூலாகிவிடுவீர்கள்.

மாலை 7 மணிக்கு ஆரம்பித்து இரவு சுமார் 9 மணிக்கு முடிந்தது.அதற்க்குப்பிறகு புது வெர்ஷனை நிறுவவா என்று கேட்டது.புதிதாக நிறுவினாலேயே சுமார் 1 மணி நேரம் தான் ஆகும்,சரி தூங்குவதற்கு முன்பு முடிந்துவிடும் என்று நினைத்து அனுமதி கொடுத்தேன்.

அனுமதி கொடுத்தவுடன் அடுத்த பாம் விழுந்தது. ஆதாவது என்னுடைய கணினியை மேம்படுத்த சுமார் 6 மணி நேரமாகும் என்றது.இரவு 10.30 மணிக்கு மீதம் 4 மணி நேரம் இருக்கு என்றது.மறுபடியும் மானிட்ரை மூடிவிட்டு தூங்க போய்விட்டேன்.

காலை 6 மணிக்கு பார்க்கும் போது சில விபரங்களை மாற்ற என் அனுமதி கேட்டு அப்படியே நின்று போயிருந்த்து.எப்போது நின்றது என்று தெரியவில்லை.அனுமதி கொடுத்தவுடன் இன்னும் 1.30 மணி நேரம் ஆகும் என்றது.

எல்லாம் நல்ல படியாக எல்லாம் முடிந்து கணினி ஆரம்பித்து புது வர்சன் உள்ளே போனது.இப்போது கணினி திரை நல்ல ரெசலூஷனில் வந்தது. ஆனால் கம்பியில்லா இணைய இணைப்பு தான் வரவில்லை.

Ndiswrapper திரும்ப நிறுவ வேண்டும் போல் இருக்கிறது.ஒன்று மட்டும் நன்றாக உணரமுடிந்தது. மற்ற லினக்ஸை விட ஆரம்பிக்கும் நேரமும் மூடும் நேரமும் கணிசமாக அதிகரித்துள்ளது.

PDFEdit- pdf திருத்தி

2007-10-17T08:52:00.000-07:00

ஆதாவது மென்பொருள் பெயர் சொல்வது போலவே இது PDF கோப்பை திருத்த லினக்ஸில் உபயோகப்படுத்தக்கூடியது.

உங்கள் PDF கோப்பை திருத்த வேண்டும் என்றால் பல வெள்ளி பணம் கொடுத்து விலை உயர்ந்த மென்பொருளை வாங்கவேண்டிய அவசியம் இல்லை.இதை உபயோகப்படுத்தி PDF கோப்பை மாற்றலாம்.

படிப்படியாக சொல்லிக்கொடுத்திருக்கிறார்கள் இங்கு.படித்து பயன் பெருங்கள்.

இப்படி சின்னச்சின்ன விஷயங்கள் லினக்ஸில் கொட்டிக்கிடக்கிறது.

வட்டு இல்லாமல் லினக்ஸ் நிறுவ.

2007-10-15T22:36:00.000-07:00

நான் இதுவரை லினக்ஸை தறவிரக்கம் செய்யவேண்டும்,பிறகு வட்டில் எழுத வேண்டும்,அது முடிந்தவுடன் வட்டு வழியாக ஆரம்பித்து நிறுவ வேண்டும் என்று நினைத்துக்கொண்டிருந்தேன்.சற்று முன் தான் மாற்றுவழி ஒன்றை படிக்க நேர்ந்தது.அது தான்

UNetbootin

மேலே கொடுத்துள்ள மென்பொருளை நீங்கள் வின்டோசிலோ அல்லது லினக்ஸில் இருக்கும் போது தறவிரக்கி நிறுவிக்கொள்ளுங்கள்.நிறுவியவுடன் கணினியை ஆரம்பிக்கச்சொல்லும்.உங்கள் தேவைக்கு ஏற்ற கோப்பை நிறுவிக்கொள்ளுங்கள்.

கணினி ஆரம்பிக்கும் போது Boot பகுதியில் வந்து நிற்கும்.முதலில் ஏற்கனவே உள்ள வின்டோசும் அடுத்து நீங்கள் தேர்ந்தெடுத்த லினக்ஸ் பெயரும் வந்து நிற்கும்.அதை தேர்ந்தெடுத்து சொடுக்க வேண்டியது தான்.அவ்வளவு தான் முடிந்தது.

இணையம் மூலம் சுமார் 700MB அளவுள்ள கோப்புகளை தறவிரக்கி அதுவே நிறுவிக்கொள்ளும்.மிக முக்கியமாக உங்களிடம் அதி வேக இணைய இணைப்பு இருப்பது மிக அவசியம்.

இப்படி செய்வதால் வட்டு ஒன்று இல்லாமலே லினக்ஸை நிறுவமுடிகிறது அதுவும் வின்டோஸ் / லினக்ஸ் உள்ளே இருக்கும் போதே.

படங்களுடன் இங்கு விரிவாக உள்ளது.படித்து அறிந்துகொள்ளுங்கள்.

உபுண்டுவை நிறுவ இங்கு பார்க்கவும்.

இதே மாதிரி இன்னொன்று கொடுத்துள்ளார்கள்,அதையும் பார்க்கவும்.

மயூரனுக்கு நன்றி

2007-10-15T17:12:00.000-07:00

லினக்ஸில் அதுவும் உபுண்டு உபயோகப்படுத்துவர்களுக்காக மயூரன் ஒரு அருமையான பணியை செய்துகொடுத்துள்ளார்.

மூன்று வாரங்களுக்கு முன்பு புது உபுண்டு வெர்ஷன் ஆன 7.04 ஐ ஒரு பார்ட்டிஷியனில் நிறுவினேன்.முதலில் திரை முகப்பு எல்லாம் தேவைக்கு குறைவான ரிசொல்யூஷன் வந்து அதை /etc/X11 கோப்பில் உள்ளே சென்று மாற்றி சரி செய்தேன்,அடுத்து கம்பியில்லா USB அடாப்டர் பிரச்சனை.அதை சரி செய்ய 1 வாரம் ஆனது.போன பதிவில் அதைப் பற்றி சொல்லியிருந்தேன்.

இது முடிந்தவுடன் இணையத்துக்கு போய் தமிழ் பக்கங்களை பார்க்கும் போது.. படிக்கவே முடியாத அளவுக்கு உடைந்து காணப்பட்டது. கூகிளான் டவரை கேட்ட போது எங்கெங்கோ சுற்றவிட்டார்.முறையான எதுவும் கிடைக்க்கவில்லை.அப்ப்போது தான் மயூரன் போட்ட பதிவு ஞாபகம் வந்தது அங்கு போய் தறவிரக்கம் செய்தேன்.அதை எப்படி நிறுவ வேண்டும் என்ற விளக்கமும் அதில் உள்ள "read me" கோப்பில் உள்ளது.

முதலில் சுருக்கப்பட்ட அந்த கோப்பை விரிவாக்கம் செய்து அதை ஒரு ஃபோல்டரில் சேமிக்கவும். பிறகு அந்த கோப்பிற்கு போய் அதில் உள்ள install.sh ஐ இரு முறை முறையில் சொடுக்கி

"Run in Terminal" என்பதை தேர்ந்தெடுத்தால் போதும் எல்லாம் முடிந்து கணினியை திரும்ப ஆரம்பிக்கச்சொல்லும்.

பாருங்கள் தமிழிலேயே கேட்கிறது.

முடிந்த பிறகு கணினியை திரும்ப ஆரம்பிக்கச்சொல்கிறது.இதில் ஒரு பிழை இருக்கிறது. Cancel பட்டன் காணப்படுவதில்லை.

கணினியை restart பண்ணவுடன் இணையத்துக்கு போய் தமிழ் பக்கங்களை பார்த்தால்....
ஆஹா! ஆஹா! அருமையிலும் அருமை.தமிழ் எழுத்துக்கள் படிக்கக்கூடிய அளவில் நன்றாக வே தெரிகிறது,இருந்தாலும் முழுமையாக இல்லை.ஆதாவது கொம்புகள் மற்றும் சில இடங்களில் தேவையில்லாத gap இருக்கிறது.எப்படியோ தமிழ் படிக்கக்கூடிய அளவில் வருகிறதே அதுவே சந்தோஷம் தான்.

தமிழுக்காக மயூரனனின் இந்த முயற்சி பாராட்டுக்குரியது.

Ndiswrapper

2007-10-14T19:20:00.000-07:00

இப்படி ஒரு மென்பொருள் லினக்ஸில் கம்பியில்லா சாதனங்களுக்கு தேவையான தொடர்புகளை ஏற்படுத்திக்கொடுக்கிறது.

இரண்டு வாரங்களுக்கு முன்பு சிங்கையில் உள்ள சிம் லிம் ஸ்கொயர் (Sim Lim Sq) கடைத்தொகுதியை சுற்றிக்கொண்டிருக்கும் போது இந்த USB அட்டாப்டர் கம்பியில்லா தொடர்பை ஏற்படுத்திக்கொடுப்பதாக சொல்லி விற்றுக்கொண்டிருந்தார்கள் அதுவும் இது லினக்ஸில் வேலை செய்யும் என்று போட்டிருந்தார்கள். முதலில் நான் எடுத்தது Linksys அடாப்டரை தான் அது சுமார் 45 வெள்ளி என்று போட்டிருந்தார்கள் ஆனால் லினக்ஸ் சப்போர்ட் பற்றி ஒன்றும் சொல்லவில்லை,இருந்தாலும் இணையத்தில் பலர் இது வேலை செய்வதாக போட்டிருந்ததால் அதைத்தான் வாங்க எண்ணியிருந்தேன். அப்போது தான் அந்த கடைக்காரர் இதை காண்பித்து விலை குறைவு அதோடிலில்லாமல் 2 வருட உத்திரவாதம் கொடுக்கிறார்கள் என்று. (போன வாரம் அனுப்பிய மின்னஞ்சலுக்கு இன்று வரை பதில்லில்லை).இது 35 வெள்ளி தான். வாங்கிவந்தேன்.

எப்போதும் போல் வின்டோஸில் பிரச்சனையில்லை.லினக்ஸில் அவர்கள் கொடுத்திருக்கும் வழிமுறைகள் எனக்கு சரியாக புரியவில்லையா இல்லை அந்த டிரைவரே சரியில்லையா? என்று தெரியவில்லை. வேலை செய்யவில்லை.

லினக்ஸில் இந்த வன்பொருள் வேலை செய்ய சில மென்பொருட்கள் தான் கண்ணில் பட்டது.

1. Ndiswrapper
2.Madwifi
3.Wifirader

மடிக்கணினியில் உள்ள கம்பியில்லா தொடர்ப்பு சிப்புகளுக்கு முதலில் சொன்ன மென்பொருள் மிகவும் உதவியாக இருப்பதாக் சொல்லப்படுகிறது.

இந்த Ndiswrapper யின் வேலையே வின்டோசில் உள்ள .inf & .sys கோப்பை எடுத்து லினக்சுக்காக வேலை செய்ய வைப்பதே.உங்களிடம் பல இயங்குதளம் இருக்கும் பட்சத்தில் வின் டோசில் உள்ள இந்த கோப்புகளை எடுத்து உபயோகப்படுத்திக்கலாம்.அப்படி இல்லாத பட்சத்தில் அவர்கள் கொடுத்திருக்கும் வட்டில் இருந்து பிரித்து எடுக்க வேண்டும். அது மற்றொரு தலைவலி.

ஒரு வட்டில் 700 MB வரை சேமிக்க வசதியிருந்தும் அந்த நிறுவனம் வேண்டும் என்றே அதை சுருக்கி வட்டில் எழுதிக்கொடுப்பார்கள். அதை விரிவாக்குவதற்கு தகுந்த மென்பொருட்கள் கிடைக்காது.நல்ல வேளையாக வின் டோசில் ஷார்வேர் மென்பொருள் கிடைத்தது அதன் மூலம் விரிவாக்கி அந்த கோப்புகளை எடுத்துவிட்டேன்.

செய்ய வேண்டியது இது தான்.

முதலில் ndiswrapper (1.48 version) நிறுவிக்கொள்ள வேண்டும். அது .tar.gz உடன் இருக்கும் அதை விரிவாக்கி ஒரு கோப்பில் போட்டுக்கொள்ளவும்.இப்போது டெர்மினல்க்கு போய்

cd /(எந்த இடத்தில் கோப்பு இருக்கிறதோ அதன் பெயரை கொடுக்கவும்)

இதை எப்படி செய்வது என்பதை மேலே உள்ள சுட்டியில் விரிவாக கொடுத்துள்ளார்கள்.அப்படி செய்யவும்.மிக முக்கியமாக அந்த wirless tools ஐ நிறுவவேண்டும்.

கணினியை மூடி திறந்தால் உங்கள் கம்பியில்லா தொடர்புக்கு தயராகிவிடும்.

இதை Fedora வில் நிறுவ இரண்டு நாட்கள் ஆனது என்றால் ubuntu வில் நிறுவ ஒரு வாரத்துக்கு மேல் ஆனது.

லினக்சும் வெப் கேமிராவும்

2007-09-24T11:52:00.000-07:00

நம்ம லினக்ஸ்க்கு கொஞ்ச வருடங்களுக்கு முன்பு USB மற்றும் வெப் கேமிரா என்றால் வேப்பங்காய் போல் கசக்கும்.

எனக்கு பிடித்த ஆளுடன் தான் வேலை செய்வேன் என்று சொல்லி வேலை செய்வார்,் அதுவும் அமெரிக்கா & யூரோப் ஆளுங்க உபயோகிக்கிற மாடலுடன் தான் வேலை செய்வார் இல்லை அந்த கேமிராவுக்கும் மாத்திரம் தான் டிரைவர் கிடைக்கும்.

நான் லினக்ஸில் கை வைக்கும் போது உள் இருக்கும் மோடத்துடன் சண்டை போட்டு ஓய்ந்து போனான்,பிறகு நம்ம USB Thumb drive அதற்கு பிறகு வெப் கேமிரா.இந்த மூன்றாவது எனக்கு தண்ணி காண்பித்த மாதிரி வேறு எதுவும் காட்டவில்லை.

பல மாதங்களுக்கு முன்பு நமது சக பதிவாளர் மயூரன் இந்த வெப்கேமராவை லினக்ஸில் எப்படி முடிகிறது என்று சொல்லி ஒரு படமும் ஏற்றியிருந்தார்.

அப்போதில் இருந்து நம் கேமராவையும் எப்படியாவது லினக்ஸில் நிறுவிவிடவேண்டும் என்று முயன்று முயன்று தோற்றுக்கொண்டிருந்தேன்.

இரண்டு வாரங்களுக்கு முன்பு ஒரு பழைய லாஜிடெக் வெப் கேமரா கிடைத்தது.அதன் மாடல் எண் எதுவும் இல்லை. இருந்தாலும் படத்தை வைத்து வின்டோஸுக்கான டிரைவர் பிடித்து அது வேலை செய்கிறதா என்று தெரிந்துகொண்டேன். அடுத்ததாக லினக்ஸ்.

லினக்ஸை பொருத்த வரை இந்த பக்கத்தில்் தான் நிறைய வெப்கேமிராவுக்கு வேண்டிய டிரைவர் கிடைக்கும்.அதையும் இரண்டாக பிரித்து 2.4. & 2.6 கெர்னல் என்று கொடுத்துள்ளார்கள். என்னுடைய லினக்ஸ் 2.6 என்பதால் அதை தரவிரக்கி நிறுவினேன்.

இதில் எப்படி வெப்கேமிரா வேலை செய்கிரதா என்று பார்க்க கீழே உள்ள மென்பொருளை ஆரம்பித்தேன்,சில செட்டிங்களை கொடுத்தவுடன் கேமிரா மூலம் என் படம் தெரிய ஆரம்பித்தது.்

இதை விண்டாஸ் ஆளுங்களுக்கு காண்பிக்க amsn என்ற மென்பொருள் உதவியாக இருக்கும் என்று நினைத்து அதையும் நிறுவினேன். நேற்று இரவு என்னுடைய தொடுப்பில் உள்ள ஒருவரும் இணையத்தில் இல்லாததால் சோதிக்க முடியவில்லை.

முடிந்த பிறகு சொல்கிறேன்.

Wireless in Linux

2007-09-19T11:35:00.000-07:00

இந்த USB க்கும் லினக்ஸுக்கும் பல சமயங்களில் பொருந்தியே வராது.ரெஹேட் 7 யில் இருந்து பார்த்துக்கொண்டு வருகிறேன்.பல விஷயங்களில் நம்மை போட்டு பார்த்திடும்.இந்த மாதிரி சிறிய பிரச்சனைகளாலேயே பல புதியவர்கள் இந்த பக்கம் தலைவைத்து கூட படுப்பதில்லை.

இதற்கு முன் நான் உபயோகித்து வந்த 3G கம்பியில்லா தொடர்பை நிறுத்திவிட்டு என்னுடைய வீட்டில் உள்ள அகலக்கட்டை இணையத்துக்கு மாறலாம் என்று யோசித்துக்கொண்டிருக்கும் போது,எந்த விதமான வன்பொருள் லினக்ஸ்/வின்ன்ட்டோஸுக்கு ஒத்துவரும் என்று பார்த்தேன்,அதோடில்லாமல் பிற்காலத்தில் டெஸ்க்டாப்பை தூக்கிப்போட்டுவிட்டாலும் மடிக்கணினியில் உபயோகப்படுத்துகிற மாதிரி இருந்தால் நலம் என்று ஆராய்ந்துகொண்டிருந்தேன்.இப்போது இருக்கும் வீட்டில் கம்பியில்லா தொடர்பு உள்ளது அதற்கு தகுந்த மாதிரி என்னுடைய மேஜை கணினியில் PCI வைகையை சேர்ந்த கம்பியில்லா அட்டை போடவேண்டும்.இல்லாவிட்டால் USB அடாப்டர் மூலம் இணைய இணைப்பு ஏற்படுத்த வேண்டும்.

நான் துணிந்து இறங்கியது USB அடாப்டர் பக்கம்,அதற்கு காரணம் விலை குறைவு,மடிக்கணினியிலும் உபயோகப்படுத்தலாம்.

ஒரு வாரம் முன்பு இங்குள்ள சிம் லிம் ஸ்கொயர் கடைத்தொகுதிக்கு போய் ஒவ்வொரு கடையாய் ஆராய்ந்துகொண்டிருக்கும் போது ஒரு கடையில் இருந்த சிப்பந்தி நான் எடுத்த Linksys அடாப்டரை பார்த்துவிட்டு இதைவிட விலை குறைந்த அடாப்டர் உள்ளது பார்க்கிறீர்களா? என்று சொல்லி அதன் விபரங்களை சொன்னார்.

விலை குறைவாக இருந்தது அத்துடன் அதன் அட்டையில் இது லினக்ஸ்ஸில் வேலை செய்யும் என்று போட்டிருந்தது. சரி என்று வாங்கிக்கொண்டேன்.

அதற்கான வின்ன்டோஸ் மென் பொருளை போட்டபோது கொஞ்ச நேரம் பிகு பண்ணிவிட்டு வேலை செய்ய ஆரம்பித்தது.

அடுத்து லினக்ஸில்..

கொடுத்த வட்டில் என்ன செய்யவேண்டும் என்று விரிவாக கொடுத்திருந்தார்கள் எல்லாம் சரியாக செய்தும் அந்த மென்பொருளை நிறுவ முடியவில்லை,கணினி மொழில் பிழைச்செய்து வந்து நின்றுவிட்டது.லினக்ஸில் ஒரு வன்பொருள் வேலைசெய்ய அதன் சிப் பெயர் தெரிந்தால் குழுமம் மூலம் நமக்கு தேவையான விபரங்களை பெற்றுக்கொள்ளலாம்.
இந்த வன்பொருளுடன் வந்த வட்டில் பல கோப்புகளின் பெயர்கள் அதன் சிப் பெயரில் இருந்ததால் மிக எளிதாக கண்டுபிடிக்க முடிந்தது.அதன் பிறகு குழுமத்தில் போய் தேடிய போது பல விபரங்கள் கிடைத்தது அதில் ஒன்று தான் இந்த USB அடாப்டருக்கு உள்ள Firmware ஐ இறக்கி அதை /usr/lib/firmware யில் போடவேண்டும் என்பது.
அதையும் செய்துவிட்டு பார்த்தால்...ஹூகும் சரியாக வரவில்லை.

கடந்த இரண்டு நாட்களாக பல குழுமத்தில் கேள்வி கேட்டும் எதுவும் சரியாக வரவில்லை.கடைசியாக நேற்று இரவு முயற்சித்த போது பல முறை கடவு எண்ணை கொடுத்த போது ஒரு முறை தொடர்பு ஏற்படுத்திக்கொண்டது.

முதல் முறையாக ஒரு USB அடாப்டர் லினக்ஸில் அதுவும் கம்பியில்லா தொடர்பு மூலம் வேலை செய்வதை பார்த்ததும் மிகுந்த மகிழ்ச்சி அடைந்தேன்.

கீழே அடாப்டரின் படம்.

இந்த அடாப்டர் சிங்கை வெள்ளி 35 க்கு வாங்கினேன் பிறகு தான் தெரிந்தது அமெரிக்காவில் இது சுமார்16 சிங்கப்பூர் வெள்ளிக்கு கிடைக்கிறது என்று.இதுக்காக அமெரிக்கா போக முடியுமா?

என்ன இருந்தாலும் 100% க்கு மேலா வைத்து விற்பது!! கொடுமைதான்.

இரட்டை இயங்கு தளம்

2007-06-20T02:33:00.000-07:00

கீழே உள்ள வீடியோவை பாருங்கள்.
இரட்டை இயங்குதளத்தை எப்படி நிறுவுவது என்று சொல்லிக்கொடுக்கிறார்கள்.

பிரிண்டர் டிரைவர்

2007-06-20T01:15:00.000-07:00

சில சமயங்களில் லினக்ஸில் பிரிண்டரை வேலை செய்ய வைப்பதற்குள் தாவு தீர்ந்துவிடும்.இந்த குறையை நிவர்த்தி செய்ய பல பிரிண்டர்களின் டிரைவரை வெளியிட இருக்கிறார்கள்.

இங்கு போய் பார்க்கவும்.
மேல் விபரங்கள் கிடைக்கும்.

பல லினக்ஸிலும் வேலை செய்யும் படி அமைத்திருப்பதாக சொல்கிறார்கள்.

முயலுங்கள்.

லினக்ஸில் தமிழ்-2

2007-06-09T12:44:00.000-07:00

போன பதிவில் லினக்ஸில் எப்படி தமிழில் உள்ளீடு செய்வது என்று வரியில் எழுதியிருந்தேன்.அது ஒருவருக்கு சரியாக வரவில்லை என்று சொல்லியிருந்தார்.அவர் குறையை நீக்க படத்துடன் கொடுத்துள்ளேன்.இன்னும் சந்தேகம் இருந்தால் கேட்கவும்.

நீங்கள் பார்பது பெடோரா 7 வில் எடுத்த படங்கள்.மற்ற லினக்ஸில் கொஞ்சம் வேறுபடும் அவ்வளவு தான்.

முதலில் ---> Application ----> Add/Remove software

மேலே உள்ள படத்தில் பாருங்க மொழிகள் இடது பக்கமும் அதற்கான தேர்வுகள் வலது பக்கமும் உள்ளது.தமிழை தேர்ந்தெடுங்க.இந்த Packager Manager வேலை செய்ய இணைய இணைப்பு தேவைப்படும்.இந்த மென்பொருட்கள் உள்ள சர்வரை அடைந்து அங்கு என்னென்ன மென்பொருட்கள் இருக்கு என்பதை காண்பிக்க இணையம் வேண்டும்.மறக்காமல் Apply ஐ சொடுக்கினால்,அதுவே நிறுவிக்கொள்ளும்.அதன் பிறகு

System--->Preferences----> Presonal ---> Input Method அதன் படம் கீழே

உடனே அதற்கு உண்டான பெட்டி கீழே காண்பித்த மாதிரி திறக்கும்.அதில் SCIM என்பதை தேர்ந்தெடுங்கள்.

இதை மூடிய பிறகு, இப்போது Desktop மேல் வலது பக்கம் பாருங்கள் சின்னதாக ஒரு கீ போர்ட் தெரியும் அதை ஒரு முறை சொடுக்கினால்,கீழே உள்ள மாதிரி விரிவடையும்.

தேவையான வற்றை தேர்ந்தெடுத்து தட்டச்சு செய்ய வேண்டியது தான்.இதே முறையில் Open Office யில் எதில் வேண்டுமென்றாலும் தமிழில் தட்டச்சு செய்யலாம்.

இணையத்தில் தமிழில் உள்ளீடு செய்ய வேண்டுமா அதுவும் பயர்பாக்ஸில் செய்ய வேண்டுமா?
Firefox- Add on க்கு போய் தமிழ் கீ என்று தேடினால், திரு.முகுந்த் எழுதிய கீ கிடைக்கும்.இதை நிறுவுங்கள்.அதற்கு பிறகு பயர்பாக்ஸை மூடி திறங்கள்.

திறந்த பிறகு மவுஸில் வலது பக்கம் சொடுக்கவும்.கீழே காட்டியுள்ள மாதிரி கிடைக்கும்.அஞ்சல் முறையை தேர்ந்தெடுத்தால் Phonetic முறையில் தட்டச்சலாம்.

எங்கும் எதிலும் தமிழை புகுத்துவோம்... வாருங்கள்.

லினக்ஸில் தமிழ்

2007-06-07T17:24:00.000-07:00

போன பதிவில் புதிதாக வெளியிடப்பட்ட பெடோரா 7 பற்றி சொல்லியிருந்தேன்.

பயர்பாக்ஸ்ஸில் தமிழ் உள்ளீடு செய்ய நம் நண்பர் திரு முகுந்த்தின் தமிழ் கீயை நிறுவினால் போதும்,அதுவே ஓபன் ஆபீஸில் தமிழில் தட்டச்சு செய்ய வேண்டும் என்றால் உபுண்டு லினக்ஸில் மிக சிரமப்படவேண்டும்.

அதுவே பெடோராவில் எப்படி செய்வது என்பது இங்கு விளக்கப்பட்டுள்ளது,ஆர்வம் உள்ளவர்கள் முயலலாம்.

svenkatesan என்பது நான் தான்.:-))

பெடோரா 7

2007-06-07T01:37:00.000-07:00

போன 31ம் தேதி வெளியிடப்பட்ட புது மேம்படுத்தப்பட்ட பொதினம் ஃபெடோரா 7.
மிக அருமையான முகப்புடன் வெளியிடப்பட்டுள்ளது.

இதில் முக்கியமான ஒன்று
உங்கள் தேவைக்கேற்ப இந்த லினக்ஸை மாற்றி அமைத்து அதை லைவ் வட்டாக வேண்டும் இடத்துக்கு எடுத்துச்செல்லாம்.கணினியில் நிறுவி அவஸ்தப்படவேண்டாம்ஆதற்காக பிரத்யோகமாக ரிவைஸர் என்ற மென்பொருளை இலவசமாக கொடுக்கிறார்கள்.
இங்கு
இன்னும் என்னென்ன வரப்போகிறதோ?
ஆர்வம் உள்ளவர்கள் முயலுங்கள்.
இரண்டு நாட்களுக்கு முன்பு தான் நிறுவினேன்,படங்களுடன் பிறகு பதிவுகிறேன்.

வேர்ட் பிரஸ்ஸில் தமிழ்

2007-04-19T22:14:00.000-07:00

இது லினக்ஸ் சம்பந்தப்பட்டது அல்ல.
பல வலைப்பதிவர்கள் வேர்ட் ப்ரெஸ் உபயோகித்து வலை பதிகிறார்கள்,அவர்கள் தங்கள் பக்கத்திலேயே தமிழில் பின்னூட்டம் இட இந்த பிளக் இன் உபயோகமாக இருப்பதாக இந்த வலைத்தளம் சொல்கிறது.
முயற்சித்து பாருங்கள்.

Fedora வில் மென்பொருள்

2007-04-19T00:29:00.000-07:00

Fedora என்பது லினக்ஸ்ஸில் இருக்கும் பல பதிவுகளில் ஒன்று.இது முதன் முதலில் எனக்கு தெரிந்து போது RedHat 7 என்று வர ஆரம்பித்து பிறகு Fedora Core 1~6 வரை வந்துவிட்டது.இப்போது Fedora 7 டெஸ்ட் பதிவு 3 வரை ஓடிக்கொண்டிருக்கிறது.
முதலில் இருந்தே உபயோகப்படுத்திவருவதால் எனக்கு மிகவும் பிடித்த லினக்ஸ்ஸில் இதுவும் ஒன்று.

Fedora வில் மென்பொருள் நிறுவுதல் பற்றி பார்ப்போம்.

போன பதிவில் உபுண்டு லினக்ஸ்ஸில் மென்பொருள் நிறுவுவது பற்றி சொல்லியிருந்தேன்.
இப்போது பெடோராவில் எப்படி என்று பார்ப்போம்.
ஆங்கிலத்தில் இதன் அரிச்சுவடி இங்குள்ளது.
உங்களுக்கு கமேன்ட் லயினின் மூலம் நிறுவ அதிக விருப்பம் இருந்தால் அதற்கு ஏற்ற மென்பொருள் இந்த இயங்குதளத்தின் கூடவே வருகிறது.அதற்கு YUM (yello Dog updater,Modofiyer) என்று பெயர்.இதன் பயன்பாட்டை ஆரம்பம் முதலே அவதானித்து வந்துள்ளேன்.இதில் YUM மாத்திரம் மட்டும் அல்ல வேறு சில மென்பொருட்களும் உள்ளது.(உ-ம்)WGET,apt-get,uptodate.

நாம் YUM ஐ பார்ப்போம்.

இந்த கமென்ட் லயினை மேம்படுத்தி கிராபிகள் முறைக்கு ஏற்றவாறு "Yum Extender" என்று பெயரிட்டுள்ளார்கள்.இதுவும் Snaptic மாதிரி தான்.

ஒரு சின்ன உதாரணம் பார்க்கலாமா?

சிஸ்டம் டூல் --> டெர்மினல் போய் திறக்க வேண்டும்.

இது நமது வின்னோஸில் உள்ள டாஸ் மாதிரி விண்டோ திறக்கும்.
அதில் உங்கள் பெயரோடு வந்து கடைசியில் கர்சர் நின்றுகொண்டு நிற்கும்.

ஆதாவது உங்கள் கட்டளைக்காக காத்திருக்கிறது.

என் கணினியில் எவ்வளவு மென்பொருள் உள்ளது என்பதை காண்பிக்க

YUM LIST ALL என்று அடித்தால் போதும்,உள்ளே இருக்கும் அவ்வளவையும் கொட்டி காண்பித்துவிடும்.

மென்பொருளை நிறுவ அட்மினிஸ்ட்ரேட்டர்(லினக்ஸ்ஸில் அதற்கு Root அக்கவுன்ட் என்று பெயர்) அனுமதி தேவை அதனால்,

su - (ஆதாவது சூப்பர் யூசர்,ஒரு ஸ்பேஸ் அதற்குப்பிறகு மைனஸ்) Enter,

உங்கள் கடவு எண்ணை கேட்கும்.

சரி,ஏதோ ஒரு மென்பொருளை நிறுவ.. உதாரணத்துக்கு மீடியா பிளேயர்.

yum install mediaplayer

நிஜமாக அவ்வளவு தாங்க.

இப்படி கமென்ட் கொடுத்தவுடன் அது என்ன பண்ணும் அதனுள் ஏற்கனவே உள்ள Repositries க்கு போய் தேவையான மென்பொருளை பார்த்து,ஒரு லிஸ்ட் போட்டு கீழ்கண்ட மென்பொருட்கள் நிறுவ வேண்டியுள்ளது என்றும் YES or No என்று கேட்க்கும்.Y அடித்து சம்மதம் சொன்னால் தேவையானவற்றை நிறுவி,முடிந்த செய்தியை கொடுக்கும்.

எனக்கு எப்படி தெரியும் என்ன மென்பொருள் இருக்கிறது ? எங்கு கிடைக்கிறது ? நல்ல கேள்வி தான்.

இங்கு பலதரப்பட்ட மென்பொருட்கள் கொட்டிக்கிடக்கிறது,உங்கள் தேவையை தேடுதல் மூலம் கண்டுகொள்ளலாம்.

பல மென்பொருட்களுக்கு கணினியை மூடி திறக்கவேண்டிய அவசியம் இருக்காது.

எனக்கு இந்த கமென்ட் லயின் சரிப்படாது படம் போட்ட மாதிரி இருந்தா நல்லா இருக்கும் என்று நினைப்பவர்கள்.

டெர்மினலில் ஒரே ஒரு தடவை yum install yumextender போட்டு Enter ஐ தட்டிடுங்க.கொஞ்ச நேரத்தில் அந்த மென்பொருள் நிறுவப்பட்டுவிடும்.

முடிந்த பிறகு, நீங்க பட முறையில் மென்பொருளை நிறுவலாம்.

கீழே பாருங்க.

என்னங்க ஏதோ புரிந்த மாதிரி இருக்கா,புரியவில்லை என்றால் அதற்கு நான் தான் காரணம்.:-))

கேள்வி இருந்தா கேளுங்க எனக்கு தெரிந்தால் சொல்கிறேன்.இதில் நானும் கத்துக்குட்டி தான்.

லினக்ஸில் மென்பொருள்

2007-03-16T09:09:00.000-07:00

புதிதாக லினக்ஸ் நிறுவும் பலருக்கு தங்களுக்கு தேவையான மென்பொருளை எங்கிருந்து பெருவது அதை எப்படி நிறுவுவது என்ற குழப்பம் இருக்கும்.

நான் 5 வருடங்களுக்கு முன்பு நிறுவிய போது எல்லாமே கன்சோல் மூலமாக இருந்தது.இப்போது பல மாற்றங்கள் வந்து மிக எளிதாக மாறிவிட்டது.

லினக்சஸில் பல மாதிரிகள் இருப்பதால் மிக சுலபமாக உள்ள உபுண்டு லினக்ஸில் எப்படி உள்ளது என்று பார்ப்போம்.

முதலில், கிடைக்கும் பல மென்பொருட்கள் .EXE ஆக கிடைக்காது.பைனரி மோடாகவோ அல்லது அந்தந்த லினக்ஸ் வகைக்கேற்றவாறு கிடைக்கும்.
உதாரணமாக:
பெடோரா: .RPM ஆகவும்
உபுண்டு : .DEP ஆகவும் கிடைக்கும்.
இது எங்கு கிடைக்கும்?
இது இருக்கும் இடத்துக்கு பெயர் :Repositries (தமிழாக்கச் சொல்லாதீர்கள்!!)
சரி உபுண்டுவில் பார்ப்போம்,
படத்தை பார்க்கவும்,

இதில் Synaptics Package Manager என்று இருக்கும் இடத்துக்கு போய், சொடுக்கவும்.

அது பிறகு இப்படி விரியும்.

இதில் ஒவ்வொரு தலைப்பின் வலது பக்கத்தில் விபரமாக கொடுத்திருப்பார்கள்.

எது வேண்டுமோ அதை சொடுக்கி பிறகு வலது சொடுக்கு மூலம் "Mark for Installation" என்பதை தேர்தெடுக்க வேண்டியது தான்.

பல மென்பொருள் நிறுவுதலுக்கு கணினியை Restart செய்யவேண்டிய அவசியமில்லை.

மிக முக்கியமாக "இணைய இணைப்பு" இருக்கா என்று பாருங்கள்.

சரி என்னிடம் இணைய இணைப்பு இல்லை,வேறு கணினி மூலம் சேமித்து என் கணினிக்கு கொண்டு வரமுடியுமா?

முடியும்.

அதற்கு முன்னால்..

லினக்ஸில் ஒரு மென்பொருள் நிறுவ அதனுடன் ஒத்திசைக்கப்பட்ட துணை மென்பொருட்கள் உங்கள் கணினியில் இருக்க வேண்டும்.அது இல்லாவிட்டால் பிழை செய்தியுடன் நின்று போய்விடும்.

உபுண்டு லினக்ஸ் வட்டு வெறும் 700 MB அளவு தான்,அதனால் மென்பொருள் நிறுவுவதற்கு தேவையான அவ்வளவு மென்பொருட்கள் அதனுள் இருக்காது.அதே FEDORA CORE எடுத்துக்கொண்டால் அதன் கொள்ளலவு கிட்டத்தட்ட 3 GB. இதில் தேவையான கம்பைலர் இருக்கும்.

ஆமாம் இந்த பேக்கேஜ் மேனேஜர் என்ன வேலை செய்கிறது?கேள்வி கேட்க கேட்க லினக்ஸில் நீங்கள் நிறைய கற்றுக்கொள்ளலாம்.ஆதாவது இருக்கும் சில Repositries உள்ளே இருக்கும் மென்பொருளையும்,உங்கள் கணினியில் இருக்கும் மென்பொருளுக்கும் ஒரு பாலமாக செயல்படுகிறது.மேம்படுத்த வேண்டியவை/நிறுவியவை எவை என்பதையெல்லாம் பட்டியல் போட்டு காண்பித்துவிடும்.

இப்படி தரவிரக்கம் செய்வது தவறா?

இன்று வரை இல்லை.

ஏன் நம்மிடையே கூட சிலர் லினக்ஸை பற்றி அவ்வப்போது எழுதிவருகிறார்கள்.

அவர்களில் சிலர்
மயூரன்
மா.சிவக்குமார்

ஆர்வம் இருப்பவர்கள்,உங்கள் கணினியில் நிறுவிப் பார்கலாமே!!.

அடுத்த பதிவில் FEDORAவில் எப்படி என்று பார்ப்போம்.

டெல்(Dell) லினக்ஸ் ??

2007-03-14T14:25:00.000-07:00

ஏற்கனவே எழுதிவைத்திருந்த பதிவு காணாமல் போய்விட்டதால் மறுபடி பதியவேண்டியதாகி விட்டது.
Dell ஐ பற்றி தான் நம் எல்லோருக்கும் தெரியுமே,அவுங்க திரும்பவும் அவுங்க கணினியில் லினக்ஸை போடலாமா என்று யோசிக்கிறார்களாம்.
ஏற்கனவே ஒரு முறை போட்டு திரும்பிவிட்டதாக கேள்வி.
அவர்களுடைய உபயோகிப்பாளர்களிடம் நடத்திய கருத்துக்கணிப்பில் பலர் விரும்புவதாக தெரிகிறது
முந்தாநாள் வந்த மின் அஞ்சல் உங்கள் பார்வைக்கு

Dell to Linux users: We'll think about it

By Phil Hochmuth

Dell says it is seriously considering requests from users to pre-load its laptops and desktop computers in the factory with versions of the Linux operating system.

The potential change in the company's stance comes a few weeks after a torrent of comments were posted on Dell's Web 2.0-ish blog site dellideastorm.com. The site emulates the Digg.com model of community-rated articles, where readers of the site can submit ideas, and then others can vote on which ones are the best - and as a result get promoted to the top of the list.

Since dellideastorm.com went live, a very loud chorus of users have called for Dell to put Linux on its PCs and laptops - a practice it stopped several years ago. Tens of thousands of comments on the site have called for Dell to support such platforms as Fedora, Ubuntu, and OpenSUSE - free Linux versions which do not require subscriptions for support. Now Dell appears to be listening. Reports last week said that Dell is "listening to what customers are saying about Linux and taking it into consideration."

FreedomHEC, the Linux device driver conference, helps you get Linux hardware support fast, with help directly from the core kernel team. Open up new markets for your product in devices, servers, and anywhere else that uses the fast-growing Linux operating system.

With Microsoft Windows Vista hitting the market now, Dell is in a tricky situation. Certainly, it's customer support centers are getting calls from people needing help with the latest Windows operating system. Perhaps Dell is nervous about supporting another desktop operating system at this time. (Although this would be an unlikely issue, as many Linux users fall into the self-help IT support crowd.) The question is, how long does Dell keep dellideastorm.com up, if it is reluctant to act on the most popular idea on the site?

கூடிய சீக்கிரம் டெல் கணினிகளில் லினக்ஸை பார்கலாம்.வைரஸ் அவ்வளவாக இல்லாத ஒரு இயங்குதளத்துக்கு மக்கள் ஆதரவு இருக்கும் என்று எதிர்பார்க்கிறார்கள்.
வரவேற்பு எப்படி இருக்கும் என்று போகப்போக தான் தெரியும்.

ஸ்கிரிப்ட் என்றால் என்ன?

2007-03-06T10:24:00.000-08:00

என்னுடைய போன பதிவில்,லினக்ஸ்ஸில் USB மோடம்(கம்பியில்லா) மூலம் இணையத்தை அடைவதைப்பற்றி சொல்லியிருந்தேன்.

இந்தியாவில் இன்னும் இது வராததால் அவ்வளவு பின்னூட்டம் வரவில்லை என்பதை உணர்ந்துகொண்டேன்.:-))

சும்மா தமாசுக்குங்க.

வாங்க மேலே படிக்க..

இதைப்பற்றி பல Forum ங்களில் படிக்கும் போது,ஒரு சிலர் நான் சிம்பிளாக ஒரு ஸ்கிரிப்ட் எழுதினேன்,இப்போது நன்றாக வேலை செய்கிறது என்று சொல்லியிருப்பார்கள்.புதிதாக தெரிந்துகொள்பவர்களுக்கு மண்டையை பிச்சிக்கொள்ளவேண்டும் போல் இருக்கும்.

என்ன ஸ்கிரிப்ட்?அது எப்படி எழுத வேண்டும்,அதை எங்கு வைக்கவேண்டும் இப்படி பல கேள்விகளை ஒருவரிடம் இங்கு கேட்டிருந்தேன்.

ஆர்வம் உள்ளவர்கள் மேலே சொடுக்கவும்.

அதை அமுல் படுத்தியவுடன் வந்த ஸ்கிரீன் ஷாட் கீழே பாருங்கள்.

படத்தை பெரிதாக்க அதன் மேல் சொடுக்கவும்.

கம்பியில்லா தொடர்பு.

2007-03-05T11:10:00.000-08:00

இங்கு சிங்கையில் சுமார் 6 மாதங்களுக்கு முன்பு கம்பியில்லா இணையத்தொடர்பு என்ற முறையை M1 என்ற நிறுவனம் கொண்டுவந்தது.சிங்கப்பூரில் எந்த இடத்தில் இருந்தும் எவ்வித கேபிள் இல்லாமல் இணையத்தில் இணையலாம்.
இதில் பதிவு செய்துகொண்டவர்களுக்கு 3விதமான கருவியில் இருந்து ஒன்றை தேர்ந்தெடுத்துக்கொள்ள சொன்னார்கள்.
1.USB மோடம்- ஒரு சின்ன Phone போல் உள்ளது.இதைப்பற்றி இங்கு சொல்லியிருந்தேன்.
2.PCMCIA -அட்டை,இது மடிக்கணினி வைத்திருப்பவர்களுக்கு மிகவும் சௌகரியமாக இருக்கும்.
3.ஒரு சின்ன அலுவலகம் அல்லது பல கணினிகள் இணைக்கும் வச்திக்காக ரூட்டர் மாதிரி ஒரு சாதனம்

என்னுடைய தேவைக்கு தகுந்த மாதிரி என்க்கு தேவைப்பட்ட USB மோடம் வாங்கிக்கொண்டேன்.இது XP,2000 மற்றும் ஆப்பிள் கணினிகளில் நிறுவ எந்த வித மென்பொருளும் தேவைப்படாது.இந்த வன்பொருளை இணைக்கும் போது தானாகவே அதை நிறுவிக்கொள்ளும்.மேக் சிஸ்டத்துக்கு மாத்திரம் வட்டு கொடுத்துள்ளார்கள்.

நமக்கு எது இருந்தாலும் நம் லினக்ஸில் அது வேலை செய்யாவிட்டால் தூக்கம் வராதே!தேடல் தொடங்கியது.நமது கூகிள் ஆண்டவரிடம் கேட்டதும்,உபுண்டுவில் இதை வேலைசெய்கிறது என்ற விஷயமும் அதை எப்படி செயல்படுத்துவது என்ற விபரமும் இங்கு போட்டிருந்தார்கள்.

பல முயற்சிக்கு பிறகு எப்படியோ வேலை செய்ய ஆரம்பித்தது.2 நாட்கள் வேலை செய்யதபிறகு,3 நாளில் இருந்து பிரச்சனை ஆரம்பித்தது.

பல நாள் தேடலுக்கு பிறகு ஒரு சின்ன உபாயம் கிடைத்தது,அதை அமல்படுத்தியபிறகு அழகாக வேலைசெய்கிறது.

இந்த USB மோடம் முதலில் உணரப்படும் போது ஒரு Mass Storage ஆகவும்,சிடி வட்டாகவும் தெரியும்.
சிடி வட்டை வலது சொடுக்கி தூக்கிவிடவேண்டும்.
மற்றதை "X" போட்டு மூடிவிடவேண்டும்.
அடுத்து,
கீழே உள்ள ஒரு சின்ன பைலை தரவிரக்கம் செய்துகொள்ளவும்.அதை திரைமுகப்பிலேயே வைத்துக்கொள்ளலாம்.
huaweiAktBbo-i386.out

அப்புறம் என்ன படத்தில் உள்ள மாதிரி செய்தால் இணையத்தின் உள்ளே போகலாம்.

மிக முக்கியமாக உங்கள் wvdial.conf நீங்கள் வாழும் தேசத்துக்கு தகுந்த மாதிரி மாற்றவேண்டும்.

.

இப்படி உபுண்டுவில் வேலை செய்யும் மோடம்,Fedora வில் மாட்டேன் என்று அடம் பிடிக்கிறது,இருந்தாலும் வழி பிறக்க வெகுநாள் இல்லை என்றே தோனுகிறது.

இதிலிருந்து ஒன்று மட்டும் தெளிவாகிறது,மற்றவற்றை காட்டிலும் உபுண்டு ஒரு 2 படி மேலே உள்ளது.

சிடி ரோம் இல்லையே!!

2007-02-18T23:29:00.000-08:00

லினக்ஸ் உபயோகிப்பவர்கள் தங்கள் சந்தேகங்கள் மற்றும் விளக்கங்கள் தேவைப்படும் போது அதனதன் Forum உள்ள இடத்துக்கு போய் விளக்கம் தேடுவார்கள்.

சமீபத்தில் உபுண்டு 6.10 Alternate வட்டுக்குரிய பைலை தரவிரக்கம் பண்ணி பிறகு வட்டுக்கு மாற்றினேன்.அதை ஏற்கனவே இருந்த பழைய வெர்ஷன் மீது நிறுவினேன்.

எல்லாம் முடிந்து திறந்தால் முகப்பு மட்டும் வரை போய் திரும்ப லாக் இன் பக்கத்துக்கு வந்து உயிரைவாங்கிக்கொண்டிருக்கிறது.

இதற்கு ஏதாவது வழியிருக்கா? என்று தேடிக்கொண்டிருந்தபோது, இப்படிப்பட்ட கேள்வியும் பதிலும் எவ்வளவு நகைச்சுவையாக இருக்கு பாருங்க.

சுட்டி இங்கே.

லினக்ஸ் முருகா!!

2007-02-02T10:39:00.000-08:00

தைப்பூச ரிலீஸ்

யார் யாரோ லினக்ஸ் பேர் வைத்திருக்கார்கள் நமது திருமுருகக்கடவுள் பெயரில் இல்லாவிட்டால் எப்படி?

இப்பத்தான் உள்ளே நுழைதிருக்கார் போலும் இன்னும் அறுபடைவீடுகள் கட்டப்படவில்லை.

கட்டிக்கொண்டிருப்பதாக சொல்கிறார்கள்.

முருக பக்தர்களே அதுவும் லினக்ஸ் மேல் பற்றுதல் உள்ளவர்கள் உள் நுழைந்து அருள் பெறலாம்.

லினக்ஸ் முருகனுக்கு அரோகரா!!

அதிக வேகம் வேண்டும்??

2006-12-20T00:49:00.000-08:00

FireFox ஐ இன்னும் அதிகமாக வேலை செய்ய வைக்க கீழே கொடுத்துள்ள மாற்றங்களை செய்து பார்க்கவும்.இது எதுவும் என்னுடையது இல்லை.வலையில் எங்கெங்கோ மேய்ந்து கொண்டிருக்கும் போது நம் தமிழ் பெண்மனி ஆங்கிலத்தில் கொடுத்ததை நம் மக்களுக்காக அவருடைய அனுமதியில்லாமல் போடுகிறேன்.உங்களுக்கு உபயோகப்பட்டால் இங்கு போய் ஒரு + மார்க் போட்டு உங்க நன்றியை அவரிடம் சொல்லிடுங்க.

Pipelining is a HTTP/1.1 feature that speeds up transfers by requesting several objects at once without waiting for a response first.Read More On Firefox Pipelining FAQs.

STEPS:
Type “about:config” into the address bar and click go.
Scroll down to find the entries: network.http.pipelining, network.http.proxy.pipelining, network.http.pipelining.maxrequests.(Normally the browser will make one request to a webpage at a time. When you enable pipelining it will make several at once, which really speeds up page loading.)

Alter the entries as follows:
Set “network.http.pipelining” to “true”.
Set “network.http.proxy.pipelining” to “true”. Set “network.http.pipelining.maxrequests” to 8.
This means it will make 8 requests at once.

Right-click anywhere on the screen and select New-> Integer.
Name it “nglayout.initialpaint.delay”(without quotes) and set its value to “0″.
This value is the amount of time the browser waits before it acts on information it receives.
Shut down your browser and reopen it. You shouldn’t notice much of a difference right away. But get browsing some of your usual sites and you should notice a much faster connection to the site!

WARNINGS !!
This may not work on connections that are over 1mb.
Do not edit anything if you don’t know what it does!
Keep in mind that with using these pipelining tweaks, while it may seem faster at first things may slow down or have problems like images loading wrong. If that happens undo the tweaks.
This preference only has an effect if you are not using a proxy.
If you are using a proxy, see network.http.proxy.pipelining.
network.http.keep-alive must be set to true for pipelining to work.
network.http.version must be set to 1.1 for pipelining to work.
While this preference will improve performance, it may cause problems loading pages from some servers.

நன்றி புவனா.

துண்டாடுதல்- கடைசி பகுதி

2006-12-07T05:44:00.000-08:00

போன பதிவில் எக்ஸ்டென்டை பார்டீசியன் வரை பார்த்தோம்.

முதல் 3 பகுதி பிரித்த பிறகு மீதமுள்ளவற்றை எக்ஸ்டென்டட் ஆக வைத்துக்கொள்ளவேண்டும்.

Create யில் "எக்ஸ்டென்டட்" என்று மாற்றிக்கொள்ளவும்.மீதமுள்ள எக்ஸ்டென்டை இப்போது தனித்தனியாக தேவையான அளவில் பிரிக்கவேண்டும். லாஜிகல் ஆக.

இங்கு கொஞ்சம் கவனம் தேவை.என்ன என்ன இயங்குதளம் போடப்போகிறீர்கள் என்பதை முடிவுசெய்த பிறகு,துண்டாடவும்.

நான் லினக்ஸ் போட நினைத்ததால் Ext2 வகை ஃபயில் சிஸ்டம் ஒரு 11.72 ஜிபிக்கு துண்டு போட்டேன்.

லினக்ஸ் போடப்போகும் பட்சத்தில் அதற்கு தேவையான ஸ்வாப் பார்டிசியன் வேண்டும். அதன் அளவு உங்கள் ரேமின் அளவில் இரு பங்கு இருக்குமாறு ஏற்படுத்திக்கொள்ளவேண்டும்.
கீழே உள்ள படத்தைப்பார்க்கவும்.

லினக்ஸ்க்கு போக மீதியிருந்ததை fat32 வுக்கு போட்டேன்

தேவையானது எல்லாம் செய்தாகிவிட்டது.

அப்ளை செய்யவேண்டும்.

இப்போது உங்கள் வன்பொருள் நீங்கள் விரும்பியபடி துண்டாடப்படுகிறது.

அவ்வளவு தாங்க.

முயற்சி செய்துபாருங்கள்.

Firefox யில் பார்ப்பவர்கள் பொருத்துக்கொள்ளவும்.அவ்வப்போது பிளாக்கரில் படம் ஏற்றமுடியாததால் வேறு முறையில் ஏற்றுவதால் தாறுமாறாக தெரியக்கூடும்.

துண்டாடுதல்- தொடர்ச்சி

2006-11-29T06:07:00.000-08:00

என்னுடைய புதிய வன்பொருள் உணரப்பட்டுள்ளதை காட்டும் படம்.

இடது பக்கம் உள்ள கட்டங்களில் இரண்டாவது கட்டத்தில் உள்ளது தான் அதன் கொள்ளலவு.

முதலில் தேவையான file சிஸ்டம் தேர்ந்தெடுக்க வேண்டும்.
ஒரு சின்ன குறிப்பு.
வின் 95யிலிருந்து ME வரை fat32 யில் போடலாம்.
வின் ௯XP க்கு முதலில் Fat32 வைத்துவிட்டு பிறகு அந்த இயங்குதளம் போடும் போது NTFS க்கு மாற்றிக்கொள்ளலாம்.
லினக்ஸ்க்கு EXT3 அல்லது EXT2 வில் வைத்துக்கொண்டு பிறகு அந்தந்த இயங்குதளம் நிறுவும் போது அதற்கு தகுந்த மாதிரி மாற்றிக்கொள்ளலாம்

முதல் துண்டு ஏற்படுத்தப்படுகிறது.
இடது பக்கம் உள்ள கட்டங்களில் அதற்கு தேவையான விவரங்களை கொடுக்கவேண்டும்.

அதே மாதிரி இரண்டாவது மற்றும் 3 வது துண்டும் வெட்டப்படுகிறது

3 துண்டுகள் ஏற்படுத்திவிட்டாகி விட்டது.மேல் உள்ள கட்டங்களில் தெரியும் பச்சை நிற கட்டங்கள் தான் நீங்கள் துண்டாடியது.

இதில் முக்கியமான(Primary Partition) பகுதிகள் 3 மட்டுமே உருவாக்கமுடியும்.மீதியை Extended Partition ஆக வைத்துக்கொள்ளவும்.

மீதியை அடுத்த பதிவில் பார்க்கலாம்.

துண்டாடுதல்

2006-11-29T00:41:00.000-08:00

ஒரு வன்பொருளை எப்படி துண்டாடுவது பற்றி போன பதிவில் எழுதியிருந்ததின் தொடர்ச்சி இது.

போன பதிவைப்பார்க்க, இடது பக்கம் உள்ள முந்தய பதிவுகளில் பார்க்கவும்..

முதலில் BIOSயில் முதல் பூட்டை சிடி வட்டுக்கு மாற்றிக்கொள்ளவும்.

ஏற்கனவே தயார் செய்த QTParted பூட் cd யை உள்ளே வைத்து கணினை ஆன் செய்யவும்.

அவசியம் இல்லாத பட்சத்தில் "Enter" ஐ அழுத்தவும்.

மேலே உள்ள படங்களுக்கு விளக்கம் தேவையில்லாததால்.. பார்த்த பிறகு,

வாங்க அடுத்த பதிவுக்கு

துண்டாடுதல் (Partition)

2006-11-28T23:39:00.000-08:00

பாகப்பிரிவினை (1)

2006-11-06T22:19:00.000-08:00

சொத்துன்னு இருந்து பிள்ளைகளும் இருந்துட்டா இந்த பிரச்சனை வராம இருக்காது.ஒரே ஒரு குழந்தை மட்டும் இருந்தால் பிரச்சனை இல்லை.ஒன்றுக்கு மேல் போனால் அதுக்கு தகுந்த மாதிரி நடந்துக்கனும்.

மேலே சொன்னவையெல்லாம் வாழ்கையில் மட்டும் இல்லை கணினி வன்பொருள் வாங்கி இயங்குதளம் போடும் போது அததற்கு தேவையான இடத்தை கொடுத்துட்டு போய்டா, போகும் போதாவது நிம்மதியாக போகலாம் அல்லவா?
இதை ஆங்கிலத்தில் அதுவும் கணினி மொழியில் "Partition"என்று சொல்வார்கள்.

கொஞ்ச காலத்துக்கு முன்பெல்லாம் நமது "வின்டோஸ்" மாத்திரம் இருந்த நேரத்தில் ஒரு வன்பொருளை (Harddisk)ஐ மூன்றாகவோ நான்காகவோ பிரித்து ஒவ்வொன்றிலும் இயங்குதளம்,பாட்டு,புகைப்படம் மற்றும் தேவையான கடிதங்கள் என்று பிரித்துவைத்திருந்தார்கள்.இப்போதும் சிலர் அப்படி வைத்துள்ளார்கள்.இயங்கு தளத்தில் கோளாறு ஏற்பட்டு திரும்ப நிறுவவேண்டிய சமயத்தில் மற்றவற்றில் உள்ளவை அப்படியே இருக்கும்.

இன்று பல இயங்குதளம் வந்துவிட்ட நிலையில் ஏன் மைக்ரோசாப்ட்யே நோவலுடன் கூட்டு வைத்து கணினியில் ஒன்றாக இருக்க திட்டம் போடுகின்ற வேளையில்,நமது கணினியை தயார் நிலையில் வைக்கவேண்டாம்?

வாங்க, வைக்கலாம்.

லினக்ஸ் பற்றி எழுதிய பதிவில் திரு மயூரன் இந்த பங்காடுதல் பற்றி இலுகுவாக புரியுமாறு எழுதச்சொன்னார்.
அப்போது என்னிடம் புது வன்பொருள் இல்லாத்தால் கொஞ்சநாள் தள்ளிப்போட வேண்டியிருந்தது.
ஊருக்கு போவதற்கு முன்பு 80 GB கொள்ளலவு கொண்ட சீகேட் வன்பொருள் வாங்கினேன்.

அதை எந்த மாதிரி பங்கு போட்டேன் என்று காண்பிக்கிறேன்.

புரிஞ்சா எடுத்துக்கங்க புரியலை என்றால் "போட்டுத்தாக்குங்க"

நண்மையையும் தீமையும் "மயூரனுக்கே" போகட்டும். :-))

இந்த பாகப்பிரிவினைக்கு பல மென்பொருட்கள் சந்தையில் இருந்தாலும் "சும்மா" கிடைக்கச்சே எதுக்கு பணம் கொடுத்து வாங்கனும்.நாம்ம ஒன்னும் பொறக்கச்சே சில்வர் ஸ்பூனோட பொறக்கலேயே??அதனாலே இலவச மென்பொருளில் கிடைப்பதையே பார்ப்போம்.

இப்படியெல்லாம் எழுதுகிறதால் நான் இந்த விஷயத்தில் அதிமேதாவி என்று எடுத்துக்கொள்ள வேண்டாம். வன்பொருள் வாங்கும் திறன் இருப்பதாலும் நாலையும் கற்றுக்கொள்ளவேண்டும் என்பதாலும் இந்த மாதிரி முயற்சிகளில் இறங்குகிறேன். அதே சமயத்தில் வலைபதிவாளர்களுக்கு போட்டு காண்பிக்கிறேன்.அவ்வளவு தான்.

பங்காடுதலுக்கு உரிய சில இலசவச மென் பொருட்கள்.

1.MS Bootable disk.
2.QT parted (இணையத்தில் இருந்து தரவிரக்கம் செய்து கொள்ளலாம்)
3.Knoppix Live Cd (இதிலும் இரண்டாம் நிலையில் உள்ள மென்பொருள் தான் உள்ளது)
4.Ultimate Bootable Cd (இதில் பல மென் பொருட்கள் சேர்ந்து கிடைக்கிறது,இதையும் தரவிரக்கம் செய்து கொள்ளலாம்.
5.இன்னும் இருக்கு பல,இப்போதைக்கு நம்பர் 2ஐ பார்க்கலாம்.

இப்படி பல இருந்தும் நான் எடுத்துக்கொள்ள இருப்பது No.2.

இப்போதைக்கு கீழே உள்ள படத்தை மட்டும் பாருங்க!!

மீதி அடுத்த பதிவில்..

பாகப்பிரிவினை(2)

2006-11-05T05:59:00.000-08:00

போன பதிவில் QTParted வட்டை காண்பித்திருந்தேன்

அதை
இங்கிருந்து தரவிரக்கம் செய்துகொள்ளவும்.இது .iso வகையை சார்ந்த ஃபையில் என்பதால் அதை உங்கள் வட்டு பர்னர் மூலம் பூட்டபிள் சிடியாக மாற்றிக்கொள்ளவும்.

கணினியை ஆரம்பித்தவுடன் உங்கள் பையோஸ் உள்ளே போய் படத்தில் காட்டியபடி சிடியை முதல் ஆப்ஷனுக்கு மாற்றி சேமித்து வெளியேறவும்.

இப்போது வட்டை உள்ளே போட்டு கணினியை ஆரம்பிக்கவும்.

எண்டர்..

எண்டர்..

எண்டர்..

எண்டர்..

எண்டர்..

ஆனா அடுத்த பதிவுக்கு காத்திருங்க.

மேன்ட்ரேக் லினக்ஸ் (13)

2006-10-10T18:31:00.000-07:00

பூட் ஆனபிறகு

இத்தனை நாள் பார்த்து அனுபவித்த கொடுமை இத்தோடு முடிகிறது.

பொருத்தார் பூமி ஆள்வார்!!!

நன்றி.

மேன்ட்ரேக் லினக்ஸ் (12)

2006-10-10T18:29:00.000-07:00

வரும் படங்கள் எல்லாம் மேந்த்ரேக் ஆரம்பித்தவுடன் வரும்.

கடைசி பகுதி நாளை வரும்.

மேன்ட்ரேக் லினக்ஸ் (11)

2006-10-10T18:27:00.000-07:00

நிறுவுதல் முடிவடைகிறது..

எனது பூட் லோடர்.

இது மேந்த்ரேக் தொடங்கும் போது உள்ள பூட் லோடர்.
சில சமயம் லினக்ஸ் என்ற எழுத்து மெலிதாக தெரியும்.
என்டரை அதன் மீது வைத்து அழுத்தவும்.

தொடரும்..

மேன்ட்ரேக் லினக்ஸ் (10)

2006-10-10T18:25:00.000-07:00

தொடரும்..

மேன்ட்ரேக் லினக்ஸ் (9)

2006-10-10T18:22:00.000-07:00

நிறுவுதல் மேலும் தொடர்கிறது..

வாங்க இன்னும் இருக்கிறது..

மேன்ட்ரேக்- 2006 (8)

2006-10-10T01:09:00.000-07:00

இதில் சில வின்டோஸ் மேனேஜர் இருக்கிறது.
ஒன்று KDE
மற்ற சில
உங்களுக்கு தோனுகிற ஒன்றை தேர்ந்தெடுத்துக்கொள்ளவும்

இது ஒரு புதைகுழி (ஜாக்கிரதை)

என்னை மாதிரி பல இயங்குதள உபயோகிப்பவர்கள் இந்த பூட் லோடர்யை அதனதன்

இடத்தில் நிறுவ தனி கவனம் தேவை.

இன்னும் இருக்கு வாங்க அடுத்த பதிவுக்கு

மேன்ட்ரேக்- 2006 (7)

2006-10-06T02:25:00.000-07:00

நிறுவுதல் தொடர்கிறது..

இது ௯XPயில் உள்ள மாதிரி அட்மினிஸ்ட்ரேட்டர் கடவுச்சொல்.

பலர் மற்றும் சர்வர் உபயோகத்தில் உள்ள கணினிகளுக்கு உபயோகமாக இருக்கும்.

மொட்டையாகவும் விடமுடியும்.

மீதி அடுத்த பதிவில்.

மேன்ட்ரேக்- 2006 (6)

2006-10-06T02:22:00.000-07:00

நிறுவுதல் தொடர்கிறது

மிச்சம் தொடரும்..

மேன்ட்ரேக்- 2006 (5)

2006-10-06T02:17:00.000-07:00

கீழே வருபவையெல்லாம் இயங்குதளம் நிறுவும் போது வருபவை

தொடரும்..

மேன்ட்ரேக்- 2006 (4)

2006-10-05T19:44:00.000-07:00

உங்களுக்கு தேவையான பேக்கேஜு களை தேர்ந்தெடுக்க

இப்போது இயங்குதள நிறுவல் தொடங்குகிறது..

மீதி அடுத்த பதிவில்

மேன்ட்ரேக்- 2006(3)

2006-10-03T18:01:00.000-07:00

கீழே உள்ள படத்தை பாருங்கள்.
மிகவும் முக்கியமானது
வன்பொருளை தயார்படுத்துதல்
1.ஏற்கனவே தயாரித்து வைத்திருந்தால்
2.ஒரே வன்பொருளில் நிறுவ
3.மிச்சம் மீதி இருக்கும் இடத்தில் நிறுவ
4.நீங்கள் உங்கள் தேவைக்கு ஏற்ப ஏற்படுத்த

நான் ஏற்கனவே தயார் படுத்தி வைத்திருந்த 2 இடங்களை காட்டுகிறது.
இதில் நான் hda8 என்ற இடத்தில் நிறுவ இருக்கிறேன்.
பங்காடுதல் (Partition) பற்றி பிறகு சொல்கிறேன்.

மவுன்ட் பாயின் -- இதுவும் கவனமாக செய்யவேண்டும் அதுவும் நீங்கள் பல இயங்குதளத்தில் வேலை செய்பவர்களாக இருந்து வின்டோஸ் பூட் லோடர் மீது கை வைக்க வேண்டாம் என்றால் இந்த மவுன்ட் பாயின்டை லினக்ஸ் எங்கு நிறுவிகிறீர்களோ அந்த இடத்திலேயே இதை வைக்கவேண்டும்.
Default அது முதலில் தெரியும் பார்டிஸனை எடுக்கும். நீங்கள் உங்கள் தேவைக்கு ஏற்ற மாதிரி மாற்ற வேண்டும்.

மிக மிக கவனம் தேவை

hda6 ஐ எந்த ஆப்ஷனும் இல்லாமல் பண்ணபிறகு,hda8யில் "/" ஆப்ஷன் வைக்கவேண்டும்

மிச்சம் அடுத்த பதிவில்

மேன்ட்ரேக் 2006 -(2)

2006-10-02T00:50:00.000-07:00

லினக்ஸ் நிறுவுதல் தொடர்ச்சி

மீதி அடுத்த பதிவில்

மேன்ட்ரேக் 2006(1)

2006-10-01T17:38:00.000-07:00

போன பதிவில் இந்த மேன்ட்ரேக் லினக்ஸ் நிறுவுவது பற்றி சொல்வதாகவும்,பூட் ஆப்ஸனில் சிடி வட்டுக்கு முதலிடம் மாற்றுவது பற்றிய படங்களை பார்த்தோம்.அந்த பயோஸில் மாற்றுவது எனக்கு உதாவாது என்பதால் என்னுடைய கணினியில் எப்படி செயல்படுகிறது என்று பார்க்கலாம்.மேன்ட்ரேக் 2006 டிவிடி வட்டை அதன் டிரைவர் உள்ளே போட்டு கணினியை ஆரம்பிக்கவும்.

இது என்னுடைய கணினியின் ஆரம்ப பக்கம்.

சிடி பூட்டுக்கு மாற்றி

எண்டரை தட்டிய பிறகு

திரும்ப எண்டரை தட்டிய பிறகு..

வாங்க அடுத்த பதிவுக்கு

லினக்ஸ் நிறுவுதல்

2006-09-30T22:03:00.000-07:00

இதற்கு முந்தைய பதிவில் லைவ் வட்டு மூலம் எப்படி பார்பது என்பதை பார்த்தோம்.

இப்போது எப்படி நிறுவுவது என்று பார்கலாம்.

முதலில் உங்கள் "பூட்" ஆப்ஸனை திறந்து உங்கள் கணினி வட்டுமூலம் பூட் செய்யுமாறு மாற்ற வேண்டும்.

இதை அடைய ஒவ்வொறு கணினியிலும் ஒவ்வொறு மாதிரி.சில கணினியில் "Esc" or "F2" வை அழுத்த வேண்டும். சரியான சமயம் தெரியாவிட்டால் "tap" செய்துகொண்டிருந்தால் இந்த screen வரும்.

மவுஸ் வேலை செய்யாததால் தட்டச்சில் உள்ள அம்புக்கீ கொண்டு "பூட்" க்கு சென்று பிறகு கீழே செல்லக்கூடிய அம்பின் மூலம் -First Boot க்கு சென்று "Page up /down " கீ மூலம் சிடி ராம் க்கு மாற்றவும்.

பிறகு மறக்காமல் சேமித்துவிட்டு வெளியேறவும்.

இப்போது நான் நிறுவ எடுத்துக்கொண்ட லினக்ஸ் "Mandriva 2006".

இதை எனது அலுவலக நண்பன் திரு.Poo Chin Bee, தரவிரக்கம் செய்து எரித்துக்கொடுத்தான்.

அவனுக்கு நன்றி சொல்வோம்.

இனி தொடங்கலாம் நிறுவுதலை.

வட்டை சிடி அல்லது டிவிடி டிரைவில் போட்டு தொடங்கவும்.

இது என்னுடைய கணினிக்கு ஒத்து வராததால் நான் எப்படி என் கணினியில் செய்தேன் என்பதை வரும் பதிவுகளில் காணலாம்.

அலாரம்

2006-09-18T19:55:00.000-07:00

பிரச்சனை முந்தாநாள்(17Sep06) குவைத் ஹரியுடன் பேசி முடிக்கும் வேலையில் ஆரம்பித்தது.அப்போது நான் fedora 5 யில் என்னுடைய வெப்காமை வேலைசெய்ய வைக்க பிரம்மபிரயத்தனம் செய்துகொண்டிருந்தேன்.

ஒன்றும் சரிப்பட்டு வரவில்லை.

அவரோடு வெறுமனே Type தானே பண்ணிக்கொண்டிக்கோம் சரி அதற்குள் எதுவும் புதிய மென்பொருள் இருக்கிறதா என்று பார்பதற்கு உதவும் yum Extender என்று சொல்லப்படுகிற "yumex" ஐ சொடுக்கினேன்.வழக்கம் போல் எல்லாம் சரியாக போய்கொண்டிருந்த வேளையில் திடிரென்று system hang ஆகிவிட்டது.என்ன பிரச்சனை என்றும் தெரியவில்லை.சரி இதற்கு மேல் நேரம் இல்லை என்பதால் கணினியை மூடிவிட்டு சென்றுவிட்டேன்.

இத்தனை நாள் இப்படி நடக்காததால் மண்டைக்குள் ஒரு அரிப்பு.என்ன காரணம்? என்று.

பல நாட்கள் இதன் பக்கம் போகாததால் பல மாறுதல்கள் ஏற்பட்டிருந்தன.Fedora forum.org போய் "Yumex" என்று தேடியபோது பலருக்கு இப்படி நேர்தது தெரிந்த்தது,அதற்கான விடையும் கிடைத்தது.தாவது இந்த மாதிரி மென்பொருட்கள் இருக்கும் இடத்தை லினக்ஸில் "Repositries" என்று சொல்வார்கள்.இது பல இடங்களில் இருப்பதாலும் சிலவற்றுக்குள் ஒத்துப்போகாத தண்மை கொண்டிருப்பதாலும் இப்படி ஒரு பிரச்சனை இருப்பது தெரியவந்தது.அதற்குரிய setting யில் சில மாறுதல்களை செய்யச்சொல்லியிருந்தார்கள்.

இதை onlineயில் படித்துக்கொண்டிருக்கும் போதே மற்றொரு முறை முயற்சிப்போம் என்று சொடுக்கினேன்.கொஞ்ச நேரத்துக்கு சரியாக இருந்தது.இந்த நேரத்தில் தேவையான மாறுதல்களை பண்ணலாம் என்றால் எல்லாம் Grey out க இருந்தது.

சிறிது நேரத்துக்குப்பிறகு புரிந்தது.

இணையத்தில் இருந்து விடுவித்துக்கொண்டு திரும்பவும் Yumex ஐ சொடுக்கி தேவையான மாறுதல்களை செய்தபிறகு திரும்ப முயற்சித்தேன்.

சரியாகிவிட்டது.

அதற்கு பிறகு மயூரன் சொல்லியிருந்த ஒரு மென்பொருளையும் (ffmpeg) நிறுவினேன்.இனிமேல் தான் அதை திறந்து பார்க்கவேண்டும்.

இதை முடிக்கவே மணி இரவு 10.45 கிவிட்டதால் கணினியை மூடிவிட்டு பல் துலக்கிவிட்டு படுக்கைக்கு போக மணி 11 ஆகிவிட்டது.

அலாரம் நின்று போயிருந்ததால் அதை 24 மணி நேரக்கணக்கில் சரி செய்து காலை 4.45க்கு அலாரம் வைத்து தூங்கிவிட்டேன்.

முழிப்பு வந்து பார்த்தால் மணி காலை 2.45!!

என்ன இன்று இவ்வளவு சீக்கிரம் முழிப்பு வந்துவிட்டதே என்று திரும்ப தூங்கி எழுத்து பார்த்தால் காலை 3.58.

சே!!

என்னாயிற்று இன்று முழிப்பு இவ்வளவு சீக்கிரமே வந்துவிட்டது?? என்று யோசித்தபடியே திரும்ப படுக்கலாம் என்ற போது..

கா.. கா.. கா..

இவ்வளவு சீக்கிரம் காக்கா கரையாதே? என்ற யோஜனையுடன் ஹாலில் வந்து பார்த்தால் காலை மணி 6.

அப்புறம் என்ன?

சும்மா உட்கார்ந்திருப்பது,மூச்சுப்பயிற்சிக்கு விடுமுறை கொடுத்துவிட்டு வேலைகளை மாற்றி மாற்றி செய்துவிட்டு 7.05க்கு வேலைக்கு கிளம்பினேன்.

நல்லா தூங்கியதற்கு காரணம் அலாரம் மட்டும் இல்லை..

மற்றொரு லினக்ஸில் (மேன்ரேக்-10.1)யில் என் மற்றொரு வெப்காம் வேலை செய்ததும் தான்.

அதைப்பற்றி பிறகு எழுதுகிறேன்.

உபுண்டு-கடைசி படங்கள்

2006-09-08T22:45:00.000-07:00

பிரிஃபரன்ஸ் கீழே

இது அட்மினிஸ்ரேஷன்

சிஸ்டம் உள்ளே

லாக் அவுட்

நண்பர்களே இது வரை பார்த்தது லைவ் சிடி எனப்படுகிற வட்டிலிருந்து எடுத்தது.

இனி இதை நிறுவும் போது செய்யவேண்டியது என்ன, மற்றும் பல விபரங்களை அவ்வப்போது கொடுக்கிறேன்.

உபுண்டு-மீதி படங்கள்(1)

2006-09-05T22:07:00.000-07:00

லைவ் சிடியில் வந்துள்ள மீதிபடங்களை இங்கு பார்ப்போம்.

இதில் உள்ள ஜிம்ப் என்ற மென்பொருள் போட்டோ ஷாப்புக்கு ஈடானது.என்னுடைய புகைப்படத்தை இதன் மூலம் தான் மாற்றி அமைத்தேன்.

இதில் உள்ள "எவலூஸன்" அவுட்லுக் எக்ஸ்ப்ரஸ் க்கு ஈடானது.

அடுத்து "பிலேசஸ்"

இது சிஸ்டம் கீழ் உள்ளவைகள்ஏனோ படம் சின்னதாகிவிட்டது.

மிச்சத்தை அடுத்த பதிவில் பார்க்கலாம்.

உபுண்டு-லினக்ஸ்

2006-09-03T17:55:00.000-07:00

போன பதிவுகளில் லைவ்-வட்டின் மூலம் டெஸ்க் டாப் வரை பார்த்தோம் இப்போது மீதியை பார்ப்போம்.

எப்போதும் வின்டோஸ்யில் "Start" கீழே இருக்கும், லினக்ஸ்யில் மேலே இருக்கும்.கவலைப்படவேண்டாம்.இதுவும் மாற்றக்கூடியது தான். "Start"க்கு பதில் அப்ளிகேஷன்யில் தொடங்க வேண்டும்.
ஆபீஸ் உள்ளே இருக்கும் சிலவற்றை படத்தில் பார்க்கவும்.

சவுண்டு & வீடியோவில் உள்ள சில மென்பொருட்கள்.

சிஸ்டம் டூடில் உள்ளவற்றில்
டெர்மினல் மற்றும் ரூட் டெர்மினலை பார்த்துக்கொள்ளவும்.இதன் விளக்கத்தை பின்பு பார்ப்போம்.

விளையாட்டுப்பகுதியில் உள்ளவை

மீதியை அடுத்த பதிவில் பார்க்கலாம்

லைவ் சிடி-படம் (2)

2006-09-01T18:05:00.000-07:00

வன்பொருளைத் தேடுகிறது.

எல்லாம் தேடி முடித்த பிறகு..

ஆஹா வந்துடிச்சு...டெஸ்க்டாப்

உள்ளே போவோமா??

நடப்பது அவ்வளவும் உங்கள் Harddisk ஐ தொடாமல்,

மிச்சமுள்ள ஆச்சரியத்துக்கு வாங்க அடுத்த பதிவுக்கு.

"படத்துடன்" லைவ் சிடி

2006-08-30T17:45:00.000-07:00

இப்பொது நான் எடுத்துக்கொண்டிருக்கும் இயங்கு தளம் "உபுண்டு லினக்ஸ்"

CD rom உள்ளே போட்டு கனிணியை ஆரம்பியுங்கள்.

ஏற்கனவே நான் நமது BIOSயில் மாறுதல் செய்தபடியால் கனிணி முதலில் சிடி ராமை பார்க்கும்.நமது லைவ் சிடி ஒரு இயங்கு தள சிடியாக இருப்பதால்,அதை தொடங்கும்.

இந்த ஸ்கிரீன் வந்தவுடன் "என்டர்"ஐ அழுத்தவும்.

முதலில் பல வரிகள் ஓடும் கவலைபடாதீர்கள் அது தனக்கு தேவையான வன்பொருட்கள் விபரங்களை எடுத்துக்கொண்டு அதற்கான driversஐ உங்களுடைய Ram யில் போட்டுவைத்துக்கொள்ளும்.இப்படி

தட தடன்னு ஓடினபிறகு ஒரு மொட்டையான திரை வரும்,பயந்திடாதீங்க...

அப்புறம் இதெல்லாம் கேட்கும்.கேட்டதை கொடுக்கவும்.

இதையும் கொடுங்க...

அப்புறம் வாங்க அடுத்த பதிவுக்கு மீதியையும் தரேன்.

இலவச சிடி

2006-08-28T17:55:00.000-07:00

இயங்கு தளம் இலவசம்!
மென்பொருட்கள் இலவசம்!
பாதுகாப்பு கவசம் இலவசம்!

இப்படி பல விஷயங்கள் இலவசமாக இருக்கும் போது ஏன் இந்த சிடியையும் இலவசமாக கொடுக்கக்கூடாது.இணைய இனைப்பு அவ்வளவு சரியாக இல்லாதவர்கள் என்ன செய்வார்கள்?
அந்த மாதிரி எதுவும் இருக்கா?

இருக்கே!!

வீட்டுக்கே அஞ்சலில் வந்தால் எவ்வளவு நன்றாக இருக்கும்!இன்னும் பலர் முயற்சிக்கலாமே?

நல்ல கேள்வி தான்.இன்னும் பலர் மிக மோசமான இணைய இணைப்பிலேயே வாழ்கிறார்கள் அவர்களுக்காக ..

இந்த தளத்திற்குப்போய் உங்கள் விபரங்களை கொடுத்தால் உங்கள் வீட்டுக்கே அனுப்பி வைப்பார்கள்.இதில் 2 விதமான வட்டுக்கள் இருக்கும் (படத்தை பார்க்கவும்).

ஏதோ வீட்டுக்கே இலவசமாக அனுப்புவதால் இதை விற்க முயற்சி செய்யாதீர்கள்.அது போல் தேவைக்கு அதிகமாகவும் ஆர்டர் செய்யவேண்டாம்.பலர் சேர்ந்து ஒரே ஆர்டர் கொடுத்தால் அனுப்புவருக்கும் சுலபமாக இருக்கும் அவரும் அனாசியமாக செலவு செய்யவேண்டாம் அல்லவா?

லைவ் சிடி தரவிறக்கம் செய்ய இங்கே போகவும்

லினக்ஸில் பலவிதம் இருப்பதை போல அதை நிறுவக்கூடிய கனிணியை பிராசசரை பொருத்து எந்த விதமான வட்டை ஆர்டர் பண்ணவேண்டும் என்று முடிவு செய்துகொள்ளுங்கள்.

1.X86-கனிணிகள்-பொதுவாக 64 பிட் பிராசசர் தவிர எல்லா இன்டெல் பிராசசர் கனிணிகளுக்கும் பொருந்தும்.
2.AMD-பிராசசர் உள்ள கனிணிக்கு,
3.PPC-என்று சொல்லப்படுகிற Macintosh கனிணிக்கு உகந்தது.

எதை நீங்கள் தரவிறக்கம் செய்யப்போகிறீர்களா அதையும் இந்த முறையிலேயே இறக்கம் செய்துகொள்ளுங்கள்.

சரி வட்டு இப்போது உங்கள் கையில்.

முதலில் லைவ் சிடியை பார்ப்போமா??

இரு இரு!!??

எல்லாமே இலவசம் ஆதனால் எல்லாவற்றையும் எழுத்திலேயே போடலாம் என்று பார்கிறாயா?

கொஞ்சம் படம் போட்டு சொல்லு,புரியமாதிரி இருக்கும்,என்கிறீர்களா?

அதுவும் சரி ஆனா அடுத்த பதிவு வரை காத்திருக்க வேண்டும்.

லயிவ் சிடி

2006-08-23T21:24:00.000-07:00

எல்லாம் இருக்கு ஏதோ பிரச்சனை என்றால் யாரை பார்ப்பது?

பக்கத்தில் தெரிந்தவர்களிடம் கேட்கவும் அல்லது உங்கள் குழுமத்தில் கேள்வி கேட்டு பதில் பெறலாம்.நீங்கள் உபயோகப்படுத்தும் லினக்ஸின் Forumயில் கேள்வி பதில்கள் கொட்டிக்கிடக்கின்றன.அள்ளிக்கீங்க.

எங்களால் அப்படி எல்லாம் தொப்புன்னு குதிக்கமுடியாது இன்னும் நிறைய சந்தேகம் இருக்கு அதனால் இதை கனிணியில் நிறுவாமல் முயற்சி செய்து பார்க்கமுடியாதா??

முடியுங்க!! அதற்கு வேண்டியது உங்களிடம் உள்ள கனிணியில் CD rom மட்டும் தான்.
லினக்ஸ் சிலவற்றில் "லைவ் சிடி"என்று ஒன்று கொடுக்கிறார்கள் இதுவும் தறவிரக்கம் செய்துகொள்ளலாம்.ஓரே ஒரு சிடி அளவுக்கு இருக்கும்.ISO ·யில் கிடைக்கும் பட்சத்தில் அதை சிடி எழுத்தர் மூலம் பூட்டபிள் சிடியாக எழுதிக்கொள்ளவும்.

அடுத்து உங்கள் BIOS ஐ முதல் பூட் ஆப்ஷனை சிடிக்கு மாத்திக்குங்க.அதென்னங்க BIOS?

சரி தெரியாதவங்களுக்கு..

BIOS என்பதற்கான முழு விளக்கம் Basic Input Output System--ஆதாவது கனிணி ஆரம்பிக்கும் போது எதையதை பார்க்கவேண்டும் எங்கே தேடவேண்டும் மற்றும் எது முதலில் துவங்க வேண்டும் என்ற நியதி எழுதப்பட்டிருக்கும் இடம்.

இதில் பூட் ஆப்ஷன் என்று ஒன்று இருக்கும் அதில் போய் முதல் பூட்டுக்கு சிடியை பாரு என்று மாத்திவிட்டு மறக்காமல் சேமித்து வெளியேறிவிடுங்கள்.

நிறுத்து நிறுத்து..

முதலில் உள்ளே போகவே வழியை சொல்லவில்லை அதற்குள் வெளியேறும் வழியை சொல்ற?

மன்னிக்கனும்.

உள்ளே போற வழி!

ஒவ்வொறு கனிணிக்கும் ஒரு கீ.கனிணி பூட் கும் போது Esc அல்லது F2 அல்லது F10 கீயை விட்டுவிட்டு தட்டிக்கொண்டிருந்தால் இந்த Bios ஸ்கீரீன் வரும்.உங்க சுட்டி வேலை செய்யாததால் ஏரோ மற்றும் பேஜ் மேலே கீழே கீகளை உபயோகித்து மாற்றங்கள் செய்து,சேமித்து வெளியேறுங்கள்.மற்றவற்றில் கைவைத்து சூடு பட்டுக்கொள்ளாதீர்கள்.

சரி அப்புறம்?

வாங்க அடுத்த பதிவுக்கு.

லினக்ஸ் (3)

2006-08-23T19:35:00.000-07:00

லினக்ஸைப்பற்றி மேலும் தெரிந்துகொள்ள இதை படிக்கவும்.

இதையும் பாருங்க

விண்டோஸ் ஒரு கனிணியில் போட அதை வாங்கவேண்டும் அதுவும் ஒரு கனிணியில் மட்டும் தான் உபயோகிக்க முடியும்.இதில் உங்களுக்கு கிடைப்பது வெறும் இயங்கு தளம் தான்.ஏதாவது பிரச்சனை என்றால் அவர்கள் இணையத்தளத்துக்கு போய் தேவையான தகவல்களை பெறமுடியும்.

லினக்ஸை நீங்கள் எவ்வளவு கனிணியில் வேண்டுமானாலும் நிறுவலாம்,ஏனென்றால் இதன் சோர்ஸ் கோடு இலவசமாக கொடுக்கப்படுகிறது.அகலக்கட்டை இணைப்பு இருக்கும் பட்சத்தில் கீழ் கண்ட இணையப்பக்கத்தில் இருந்து தரவிறக்கம் செய்துகொள்ளலாம்.அல்லது நிறைய Groups (yahoo) உள்ளது.நீங்கள் இருக்கும் இடத்துக்கு பக்கத்தில் உள்ள குழுமமாக பார்த்துக்கொண்டால் அவர்களிடம் இருந்தும் இந்த வட்டுக்களை வாங்கிக்கொள்ளலாம்.

லினக்ஸில் என்ன என்ன உள்ளது.

இதில் XP யில் உள்ளது போல் பல பயனார்கள் உபயோகப்படுத்தும் முறை இருக்கிறது.

Fire wall என்ற தடுப்புமுறையும் உள்ளது.

முக்கியமா ஓபன் பீஸ் உள்ளது இதில் மைக்ரோசாப்ட் பீஸ் உள்ளது போல் வேர்ட்,எக்ஸ்சல்,பவர்பாயின்டும் இருக்கிறது.

நீங்கள் வரைகலையில் விருப்பம் உள்ளவரா?ஆட்டோகேட் வாங்கமுடியாத பாக்கியசாலியா? பிடி "க்யுகேட்".இது அவ்வளவும் இலவசம்.க்யுகேட் &ஆ ட்டோகேட் ஒப்பிட்டு பார்க்கமுடியாது இருந்தாலும் மோசமில்லை.

ப்ரொக்ராமிஙில் செய்ய கம்பைலர் தேவையா... இருக்கு GCC.

இன்னும் பல!! அனைத்தும் இலவசம்.

லினக்ஸ் (2)

2006-08-23T19:27:00.000-07:00

லினக்ஸ் 1 இங்கே

லினக்ஸ் என்பது ஒரு பொதுவான பெயர் இதன் source code வெளிப்படையாக கிடைப்பதால் இதைக்கொண்டு பலர் தங்கள் தேவைக்கு ஏற்ப மாற்றி அமைத்து வெளியிடுகிறார்கள்.

அவற்றில் சிலவற்றை பார்ப்போம்.

Fedora
Suse
Debian
Ubuntu
Mandriva
Simply Mepis
Small Linux
Knoppix
Cent OS
Free BSD
PCLinux
Slackware
Kubuntu

இவை அத்தனையும் அதன் அதன் வலைத்தளங்களில் கிடைக்கும்.நான் உபயோகப்படுத்தியதில் என்னை கவர்ந்தது Fedora.

மேலும் தொடர வாங்க அடுத்த பதிவுக்கு..

லினக்ஸ் 1

2006-08-16T20:56:00.000-07:00

முந்தய அனுபவங்கள் 1,2

Win95 யில் ஆரம்பித்து ஒரளவு தேர்ச்சி பெற்ற பிறகு கையை வைத்துக்கொண்டு சும்மாக இருக்கமுடியாமல் என்ன செய்வது என்று அலைந்துகொண்டிருந்த காலத்தில் கண்ணில் பட்டதுதான் லினக்ஸ்.

இதைப்பற்றி இங்கு செவ்வாய் தோறும் வரும் கம்பியூடர் டைம்ஸ்சில் அவ்வப்போது வரும் படைப்புகளை படித்தது தான்.வேறெந்த அநுபவமும் இல்லை.

மிக முக்கியமாக சொல்ல வேண்டியது நான் கனிணி வல்லுனர் அல்ல அவ்வப்போது கண்ணில் படுகிற காதில் விழுகிறதை வைத்து முட்டி மோதி தெரிந்து கொள்கிற சாதாரன ஆள்.

இந்த மாதிரி சமயத்தில் ஒரு நாள் நூலகத்தில் மேய்து கொண்டிருக்கும் போது "ரெட் ஹேட் 7" லினக்ஸ் என்று கண்ணில்பட்டது.சில பக்கங்களை புரட்டியதும் ஒரளவு புரிந்தது.சரி முயற்சிக்கலாம் என்று புத்தகத்தையும் வட்டையும் வாங்கிக்கொண்டு வந்தேன்.

அப்போது என்னுடைய கனிணியில் முக்கியமான கோப்புகள் எதுவும் இல்லாததால் இந்த மாதிரி முயல எந்த வித தயக்கமும் இல்லாமல் தொடர்ந்தேன்.

ஆமாம் விண்டோஸ் நல்லா இருக்கும் போது இதை எதுக்கு உபயோகப்படுத்தனும்?
ஞாயமான கேள்வி தான்.

இதுக்கு விடை வரும் பதிவுகளில் காணலாம்.